జనవరి 9 న సునీల్ "పూలరంగడు" ఆడియో విడుదల కానుందని విశ్వసనీయవర్గాలద్వారా అందిన సమాచారం. వివరాల్లోకి వెళితే మ్యాక్స్ ఇండియా పతాకంపై, సిక్స్ ప్యాక్ సునీల్ హీరోగా, "ప్రేమ కావాలి" ఫేం ఇషా చావ్లా హీరోయిన్ గా, "అహ నా పెళ్ళంట" ఫేం వీరభద్రం చౌదరి దర్శకత్వంలో, డాక్టర్ వెంకట్ నిర్మిస్తున్న విభిన్నకథా చిత్రం "పూలరంగడు". ఈ చిత్రం నిజానికి సంక్రాంతి రేస్ లో ఉంది.

జనవరి 14 వ తేదీన అంటే సంక్రాంతి పండుగకు విడుదలవ్వాల్సింది. కానీ కొన్ని అనివార్య కారణాలవల్ల "పూలరంగడు" చిత్రం జనవరి నెలాఖరుకి విడుదల కాబోతూందని సమాచారం. ఈ "పూలరంగడు" చిత్రం ఆడియో మాత్రం జనవరి 9 వ తేదీన విడుదలవుతుంది. ఈ "పూలరంగడు" చిత్రానికి అనూప్ రూబెన్స్ సంగీతాన్ని అందించారు.