English | Telugu
పవన్ వాచ్... టాక్ ఆఫ్ ది టౌన్..!
Updated : May 4, 2016
ఆర్థిక ఇబ్బందుల్లో ఉన్నా.. స్టాఫ్కి కూడా జీతాలు చెల్లించలేని పరిస్థితి... అంటూ పవన్ కల్యాణ్ లాంటి స్టార్ మొరపెట్టుకోవడం షాక్ నిచ్చింది. సినిమాకి రూ.20 కోట్లు తీసుకొనే ఓ హీరో మాట్లాడాల్సిన మాటలేనా ఇవి అని కొందరు, పవన్ అలా అన్నాడంటే ఎన్ని కష్టాల్లో ఉన్నాడో అని మరికొందరు... తెగ నివ్వెరపోయారు. అయితే... పవన్ కూడా ఖరీదైన జీవితం మధ్యే ఉన్నాడని, విలాసాల మధ్యే బతుకుతున్నాడని ఇటీవల పవన్ కల్యాణ్ ని చూస్తే అర్థమవుతోంది. మొన్న అ ఆ ఆడియో ఫంక్షన్కి పవన్ వచ్చాడు. పవన్ చేతికున్న వాచ్ పై అందరి కళ్లూ పడ్డాయి. అది మామూలు వాచ్ కాదు. బ్రెట్లింగ్ బర్నాటో కంపెనీకి చెందిన ఈ వాచ్ ఖరీదు కనీసం రూ.4 లక్షలైనా ఉంటుందని టాక్.
ఎప్పుడూ సాదా సీదా జీవితం గురించి పుంకానుపుంకానులు మాట్లాడే పవన్ ఇంత ఖరీదైన వాచ్ ఎలా పెట్టుకొచ్చాడు చెప్మా?? అంటూ అందరూ ఆశ్చర్యపోతున్నారు. అదెవరైనా బహుమతిగా ఇచ్చారా, లేదంటే పవన్ ఇష్టపడి కొనుక్కొన్నాడా అన్నది టాక్ ఆఫ్ ది టౌన్ అయ్యింది. స్టార్లు ఇలాంటి ఖరీదైన వాచీలు పెట్టుకోవడం మామూలే. కాకపోతే.. 'డబ్బుల్లేవు' అని చెప్పుకొనే పవన్.. 'నేను సాధారణ జీవితాన్నే ఇష్టపడతా' అని ప్రకటించుకొనే పవన్ మరీ ఇంత కాస్ట్లీ వాచ్లతో కనిపిస్తేనే.. ఇలా రకరకాలుగా మాట్లాడుకోవాల్సివస్తుంది మరి.