పవన్ కళ్యాణ్(mahesh babu)మహేష్ బాబు(maesh babu)సుదీర్ఘ కాలంగా ఎన్నో సామజిక కార్యక్రమాలు చేస్తూ, చేయిస్తు సినిమాల్లోనే కాదు, నిజజీవితంలో కూడా హీరోలే  అనిపించుకుంటున్నారు.అదే విధంగా తెలుగు నాట ఎప్పుడు ఎలాంటి విపత్తు వచ్చినా సరే  మేమున్నామంటూ ముందుకొస్తారు. ఇప్పుడు ఉభయ రాష్ట్రాల్లో భారీ వర్షాలకి ఎంతో మంది నిరాశ్రయులు అవుతున్న విషయం తెలిసిందే. దీంతో తమ వంతు సాయంగా భారీ విరాళాన్ని ప్రకటించారు.

ఎడతెరిపి లేకుండా కురుస్తున్న వర్షాలకు, వరద బీభత్సానికి వేలాది మంది ప్రజలు నిరాశ్రయులు అవడం నన్ను తీవ్రంగా కలచి వేసింది. నా వంతు బాధ్యతగా తెలంగాణ, ఏపీ రాష్ట్రాలకు చెరో యాభై లక్షల చొప్పున కోటి రూపాయలని  ముఖ్యమంత్రి సహాయ నిధికి అందజేస్తున్నట్టు మహేష్ తన ట్విట్టర్ ద్వారా ప్రకటించాడు.అదే విధంగా  ఈ విపత్కర పరిస్థితి నుండి త్వరగా బయటపడాలని ఆ భగవంతుడ్ని ప్రార్థిస్తున్నాను. వరద ప్రభావిత ప్రాంతాలకు తక్షణ సహాయం అందించడానికి ప్రభుత్వాలు చేపడుతున్న చర్యలకు సమిష్టిగా మద్దతు ఇద్దాం.. ఈ ప్రయత్నానికి ప్రతి ఒక్కరూ సహకరించాలని కోరుతున్నానని కూడా చెప్పుకొచ్చాడు.

అలాగే పవన్ కళ్యాణ్ కూడా వ్యక్తి గతంగా ఆంధ్రప్రదేశ్ ముఖ్యమంత్రి సహాయనిధికి కోటి రూపాయలని ప్రకటించాడు. తెలంగాణ ప్రభుత్వానికి కూడా ప్రకటించే అవకాశం ఉందని పవన్ సన్నిహిత వర్గాలు వ్యక్తం చేస్తున్నాయి.