ఎన్టీఆర్(ntr)ప్రశాంత్ నీల్(prashanth neel)కాంబోలో తెరకెక్కబోతున్న మూవీ కొన్ని రోజుల క్రితం అధికారకంగా లాంచ్ విషయం తెలిసిందే. 2026  సంక్రాంతి సందర్భంగా జనవరి 9న వరల్డ్ వైడ్ గా రిలీజ్ కానుందనే  అనౌన్స్ మెంట్ కూడా వచ్చింది.ఎన్టీఆర్ ఆర్ట్స్,మైత్రి మూవీ మేకర్స్ అత్యంత భారీ వ్యయంతో నిర్మిస్తున్న ఈ మూవీ మీద ఎన్టీఆర్ ఫ్యాన్స్ తో పాటు ప్రేక్షకుల్లో కూడా భారీ అంచనాలు ఉన్నాయి.

తన ప్రతి సినిమాకి సరికొత్త నేపధ్యాన్ని ఎంచుకోవడం దర్శకుడు ప్రశాంత్ నీల్ స్టైల్. కెజీఎఫ్ సిరీస్, సలార్ చిత్రాలే అందుకు ఉదాహరణ.ఇప్పుడు ఆ కోవలోనే ఎన్టీఆర్ మూవీ కోసం ఒక సరికొత్త నేపథ్యాన్ని ఎంచుకున్నాడనే వార్తలు ఫిలిం సర్కిల్స్ లో చక్కర్లు కొడుతున్నాయి.అంతే కాకుండా మరో స్పెషల్ క్యారక్టర్ కూడా మూవీలో ఉండబోతుందని,నెగిటివ్ షేడ్ లో సాగే ఆ క్యారక్టర్ లో మరో హీరో కనిపించే అవకాశం కూడా ఉందనే టాక్ వినపడుతుంది.ఇక నవంబర్ లాస్ట్ వీక్ నుండి రెగ్యులర్ షూటింగ్ కి వెళ్లబోయే ఈ మూవీ కాస్ట్ కూడా భారీ స్థాయిలో ఉండబోతుందని అంటున్నారు.ఎన్టీఆర్ మాత్రం జనవరి మూడో వారం తర్వాతే షూట్ లో జాయిన్ కానున్నాడని తెలుస్తుంది. 

ఎన్టీఆర్ అయితే ప్రస్తుతం ముంబై లో జరుగుతున్న వార్ 2(war 2)షూటింగ్ లో బిజీగా ఉన్నాడు.హృతిక్ రోషన్ తో కలిసి చేస్తున్న ఈ మూవీ మీద ఎన్టీఆర్ అభిమానుల్లో భారీ అంచనాలే  ఉన్నాయి.రీసెంట్ గా అయితే ఎన్టీఆర్ దేవర(devara)తో మంచి విజయాన్ని అందుకున్నాడు. ఐదు వందల కోట్ల కలెక్షన్ ని సాధించిన ఈ మూవీ నవంబర్ పదిహేనవ తేదీన యాభై రోజులని పూర్తి చేసుకోనుంది. దేవర 2 షూటింగ్ కూడా త్వరలోనే ప్రారంభం కానుందనే వార్తలు వస్తున్నాయి.