ఆంధ్రప్రదేశ్‌ లో ఇటీవలే భారీ వర్షాల వల్ల వరదలు రావడం జరిగింది. ముఖ్యంగా విజయవాడలోని బుడమేరు పొంగడంతో భారీ నష్టం వాటిలల్లింది. అయితే ఈ వరద బాధితులకు ఇప్పటికే ఎందరో సినీ ప్రముఖులు అండగా నిలిచారు. నందమూరి మోహనకృష్ణ ఫిలిమ్‌ ఇన్‌స్టిట్యూట్‌లో చదివే రోజుల్లో గోల్డ్‌ మెడలిస్ట్‌. అంతేకాక నందమూరి తారక రామారావు నటించిన వీరబ్రహ్మేంద్రస్వామి చరిత్ర, అనురాగ దేవత, చండశాసనుడు, నందమూరి బాలకృష్ణ నటించిన పలు సినిమాలకు, విక్టరీ వెంకటేష్‌ నటించిన శ్రీనివాస కళ్యాణం, అదే విధంగా తమిళ్‌లో శివాజీ గణేషన్‌, ప్రభు నటించిన చరిత్ర నాయగన్‌, హిందీలో ఫరూక్‌ షేక్‌ నటించిన ఘర్‌వాలీ బాహర్‌వాలీ సినిమాలకు డైరెక్టర్‌ ఆఫ్‌ ఫోటోగ్రఫీగా, పలు సినిమాలకు నిర్మాతగా, డిస్ట్రిబ్యూటర్‌, ఎగ్జిబిటర్‌ గా వ్యవహరించారు. నందమూరి మోహన కృష్ణ మరియు ఆయన కుమార్తె నందమూరి మోహన రూప తమ వంతు సహాయంగా వరద బాధితుల కోసం ఆంధ్రప్రదేశ్‌ రాష్ట్రానికి 25 లక్షలు విరాళంగా ఇవ్వడం జరిగింది. ఈరోజు ఆంధ్రప్రదేశ్‌ ముఖ్యమంత్రి నారా చంద్రబాబు నాయుడుని స్వయంగా కలిసి రూ.25 లక్షల చెక్కును అందజేయడం జరిగింది.

గతంలో కూడా నందమూరి మోహనకృష్ణ, నందమూరి మోహనరూప ఇదే విధంగా ఎంతోమందికి సహాయం చేయడం జరిగింది. టిటిడి అన్నదాన ట్రస్ట్‌కు విరాళాలు ఇచ్చారు. నందమూరి మోహనరూప గత ఎన్నికలలో ఆంధ్రప్రదేశ్‌, తెలంగాణ రాష్ట్రాలలో తెలుగుదేశం పార్టీ తరఫున చాలా చురుకుగా ప్రచార కార్యక్రమాల్లో పాల్గొన్నారు.