"సాయిబాబా పాత్ర నాకో ఛాలెంజ్" అని కింగ్ అక్కినేని నాగార్జున అన్నారు. వివరాల్లోకి వెళితే "రాజన్న" చిత్రం ప్రమోషన్ లో భాగంగా మీడియాకి ఇచ్చిన ఇంటర్ వ్యూలో నాగార్జున మాట్లాడారు. ఆ సందర్భంగా దర్శకేంద్రుడు కె.రాఘవేంద్రరావు దర్శకత్వంలో నాగార్జున షిర్డీ సాయిబాబాగా నటించే చిత్రం త్వరలో ప్రారంభం కానున్న నేపథ్యంలో, ఆ చిత్రం గురించీ, సాయిబాబా పాత్ర గురించీ తన మనసులో భావాలను హీరో నాగార్జున ఇలా అన్నారు.

"నేనింతవరకూ అన్నమయ్య, రామదాసు వంటి భక్తుల పాత్రల్లోనే నటించాను. కానీ షిర్డీ సాయిబాబా భక్తుడు కాదు. ప్రపంచంలో ఆయన్ని భగవంతుడిగా కోట్లాదిమంది నమ్ముతారు. అలాంటి పవిత్ర మైనటువంటి భగవంతుడి పాత్రలో నటించటం నాకు ఒక నటుడిగా పెద్ద ఛాలెంజ్" అని అన్నారు. ఈ మాటలను బట్టి చూస్తే సాయిబాబా పాత్ర గురించి హీరో నాగార్జున చాలా జాగ్రత్తలు తీసుకుంటున్నట్లు మనకు అర్థమవుతుంది కదూ...!