English | Telugu
జనవరి 20 నుండి నాగ్ "షిరిడీ సాయి"
Updated : Dec 10, 2011
జనవరి 20 నుండి నాగ్ "షిరిడీ సాయి" చిత్రం ప్రారంభం కానుందని విశ్వసనీయవర్గాల ద్వారా అందిన సమాచారం. వివరాల్లోకి వెళితే యువసామ్రాట్ అక్కినేని నాగార్జున షిరిడీ సాయి బాబాగా నటిస్తుండగా, దర్శకేంద్రుడు కె.రాఘవేంద్రరావు దర్శకత్వంలో నిర్మించబడుతున్న"షిరిడీ సాయి" చిత్రం 2012 జనవరి 20 వ తేదీ నుండి ప్రారంభం కానుంది. ప్రస్తుతం నాగార్జున ఆర్ ఆర్ మూవీ మేకర్స్ సంస్థ శ్రీనివాసరెడ్డి దర్శకత్వంలో నిర్మిస్తున్న భారీ చిత్రం"డమరుకం" చిత్రంలో నటిస్తున్నారు.
"డమరుకం" చిత్రంలో నాగ్ పాత్ర డిసెంబర్ 20 తో పూర్తి కానుంది. అక్కణ్ణించి ఒక నెల పాటు నాగ్ గడ్డం పెంచి మరీ ఈ సాయిబాబా పాత్రలో నటిస్తారట. అన్నమయ్య, శ్రీ రామదాసు చిత్రాల తర్వాత రాఘవేంద్రరావు దర్శకత్వంలో, నాగ్ నటిస్తున్న మూడవ భక్తిరస చిత్రమిదే అవుతుంది.