తమిళసినీ పరిశ్రమలోకి మంచు మనోజ్ కుమార్ ప్రవేశిస్తున్నాడు. వివరాల్లోకి వెళితే మంచు ఎంటర్ టైన్ మెంట్ పతాకంపై, మంచు మనోజ్ కుమార్ హీరోగా, నరసింహరాయలు అనే ప్రత్యేక పాత్రలో యువరత్న నందమూరి బాలకృష్ణ నటిస్తూండగా, శేఖర్ రాజాని దర్శకుడిగా పరిచయం చేస్తూ, మంచు లక్ష్మీప్రసన్న నిర్మిస్తున్న విభిన్న కథా చిత్రం "ఊ..కొడతారా...ఉలిక్కిపడతారా". ఈ చిత్రంలో బాలయ్య సరసన "వీడు తేడా" ఫేం పంచి బోరానీ జోడిగా నటిస్తూంది.

డిసెంబర్ 15 వ తేదీన, చెన్నైలో ఈ చిత్రం తమిళ వెర్షన్ లాంచనంగా ప్రారంభమైందని సమాచారం. ఈ చిత్రం తమిళ వెర్షన్ లో కూడా నరసింహరాయలు పాత్రను బాలకృష్ణ పోషిస్తారట. ఈ చిత్రం ఇప్పటికి అరవై శాతం వరకూ పూర్తయింది. ఈ చిత్రం కోసం మణికొండలో ఒక అద్భుతమైన సెట్ ని మూడు కోట్ల భారీ ఖర్చుతో వేశారని తెలిసింది. ఈ సినిమా రానున్న వేసవి శలవులకు విడుదలవుతుందని సమాచారం.