ఇన్ ఫొటెక్ పతాకంపై, అందరూ కొత్తవారితోనే కాకుండా యల్.కె.రావ్ అనే ఒక కొత్త దర్శకుణ్ణి తెలుగు సినీ పరిశ్రమకు పరిచయం చేస్తూ, నూతన నిర్మాత శ్రీమతి గీతాశ్రీ నిర్మించిన దేశభక్తితో కూడిన ఎంటర్ టైన్ మెంట్ యూత్ ఫుల్ లవ్ స్టోరీ "దునియా". ఈ "దునియా" చిత్రం విడుదలై విజయవంతంగా ప్రదర్శించబడుతుంది. ఈ సందర్భాన్ని పురస్కరించుకుని ఈ చిత్ర నిర్మాత శ్రీమతి గీతాశ్రీతో పాటు ఈ చిత్రం యూనిట్ ఈ చిత్రం సక్సస్ మీట్ లో పాల్గొన్నారు.

అనంతరం నిర్మాత శ్రీమతి గీతాశ్రీ ప్రసంగిస్తూ "అందరూ కొత్తవారి "దునియా" చిత్రాన్ని నిర్మించినా కూడా ప్రేక్షకులు పెద్ద మనసుతో ఆదరిస్తున్నారు. నేను కొత్త నిర్మాతనైనా ఒక దేశభక్తి చిత్రాన్ని అందరికీ నచ్చేలా బాగా తీశానని నన్ను అందరూ అభినందిస్తున్నారు. మీడియా కూడా ఈ చిత్రాన్ని బాగా ప్రమోట్ చేయటం ఈ చిత్ర విజయానికి మూలకారణంగా నేను భావిస్తున్నాను" అని అన్నారు.