English | Telugu
కాంతార చాప్టర్ 1 బాక్సాఫీస్ ఊచకోత.. ఫస్ట్ వీకెండ్ లోనే 300 కోట్లు!
Updated : Oct 5, 2025
2022లో వచ్చిన పాన్ ఇండియా బ్లాక్ బస్టర్ 'కాంతార'కు ప్రీక్వెల్ గా రూపొందిన మూవీ 'కాంతార చాప్టర్ 1'. రిషబ్ శెట్టి నటించి దర్శకత్వం వహించిన ఈ చిత్రం.. దసరా కానుకగా అక్టోబర్ 2న థియేటర్లలో అడుగుపెట్టింది. ప్రస్తుతం ఈ మూవీ బాక్సాఫీస్ దగ్గర వసూళ్ళ వర్షం కురిపిస్తోంది. మూడు రోజుల్లోనే ఈ చిత్రం రూ.200 కోట్ల గ్రాస్ క్లబ్ లో చేరింది. (Kantara Chapter 1)
'కాంతార చాప్టర్ 1' సినిమా మొదటిరోజు ప్రపంచవ్యాప్తంగా రూ.89 కోట్ల గ్రాస్ రాబట్టింది. సినిమాకి పాజిటివ్ రావడంతో అదే జోరుని కొనసాగిస్తూ.. భారీ వసూళ్లు రాబడుతోంది. ట్రేడ్ వర్గాల రెండో రోజు రూ.61 కోట్లు, మూడో రోజు రూ.81 కలెక్ట్ చేసినట్లు తెలుస్తోంది. అంటే మూడు రోజుల్లోనే రూ.231 కోట్ల గ్రాస్ సాధించింది. నాలుగో రోజు ఆదివారం కావడంతో మరో రూ.80 కోట్ల దాకా రాబట్టే ఛాన్స్ ఉంది. అదే జరిగితే మొదటి వీకెండ్ లోనే రూ.300 కోట్ల గ్రాస్ క్లబ్ లో చేరనుంది.
2022లో వచ్చిన 'కాంతార' చిత్రం ఫుల్ రన్ లో రూ.400 కోట్ల గ్రాస్ రాబట్టింది. అలాంటిది ఇప్పుడు 'కాంతార చాప్టర్ 1' మొదటి నాలుగు రోజుల్లోనే రూ.300 కోట్ల క్లబ్ లో చేరుతుంది. మరి ఫుల్ రన్ లో ఏ రేంజ్ వసూళ్లు రాబడుతుందో చూడాలి.