ఆఫ్గన్ తీవ్రవాదిగా కమల్ హాసన్ నటిస్తున్నారని తెలిసింది. వివరాల్లోకి వెళితే భారతదేశం గర్వించతగ్గ సకలకళావల్లభుడు కమల్ హాసన్ స్వీయ దర్శకత్వంలో నటిస్తున్న చిత్రం "విశ్వరూపం". ఈ "విశ్వరూపం" చిత్రం షూటింగ్ 25 రోజుల పాటు జోర్డాన్ లో జరిగింది. ఇప్పటికి కనీసమ యాభైశాతం సినిమా కూడా పూర్తికాకుండానే ఈ చిత్రం బడ్జెట్ ఇప్పటికి 52 కోట్లయిందని సమాచారం. ఇంకా ఈ "విశ్వరూపం" చిత్రం యు.యస్. షెడ్యూలు డిసెంబర్ 16 నుండి రెండవ స్కెడ్యూల్ ప్రారంభం కానుంది.

75 మంది యూనిట్ మెంబర్లతో యు.యస్.లో మిగిలిన 60 శాతం సినిమాని అక్కడే పూర్తిచేయనున్నారట కమల్ హాసన్. ఈ "విశ్వరూపం" చిత్రం పూర్తయ్యేసరికి 100 కోట్ల బడ్జెట్ దాటే అవకాశముందని తమిళ సినీ పరిశ్రమ అంటోంది. ఈ "విశ్వరూపం" చిత్రంలో కమల్ హాసన్ ఒక ఆఫ్గనిస్తాన్ తీవ్రవాదిగా నటిస్తున్నారట.దీన్ని తెలుగు, తమిళ భాషల్లో విడుదల చేస్తారట.