తెలుగునాట ప్రముఖ కొరియోగ్రాఫర్ జానీ మాస్టర్ (Jani Master) లైంగిక వేధింపుల కేసు సంచలనంగా మారింది. తనపై జానీ మాస్టర్ లైంగిక దాడికి పాల్పడినట్లు 21 ఏళ్ళ ఫిమేల్ అసిస్టెంట్ కొరియోగ్రాఫర్ పోలీసులకు ఫిర్యాదు చేయడంతో ఈ విషయం వెలుగులోకి వచ్చింది. ఇది జానీ మాస్టర్ యొక్క సినీ, రాజకీయ కెరీర్ పై తీవ్ర ప్రభావం చూపే అవకాశం కనిపిస్తోంది. ఇప్పటికే జనసేన పార్టీ జానీని తమ పార్టీ నుంచి సస్పెండ్ చేసింది. మరోవైపు సినీ పరిశ్రమ కూడా ఈ విషయాన్ని సీరియస్ గా తీసుకుంది. ఈ కేసు విచారణ కోసం ఫిల్మ్ ఛాంబర్ ప్రత్యేక కమిటీని కూడా ఏర్పాటు చేసింది. ఇంకో వైపు సోషల్ మీడియా వేదికగా జానీ మాస్టర్ పై తీవ్ర విమర్శలు వ్యక్తమవుతున్నాయి. ఈ క్రమంలోనే గతంలో కమెడియన్ హైపర్ ఆది (Hyper Aadi).. జానీ మాస్టర్ గురించి చేసిన కామెంట్స్ వైరల్ గా మారాయి.

'ఢీ' డ్యాన్స్ షో లో కంటెస్టెంట్స్, జడ్జిలపై హైపర్ ఆది తనదైన శైలిలో సెటైర్లు వేస్తుంటాడు. ఒకసారి జడ్జిగా వచ్చిన జానీ మాస్టర్ పై కూడా అదే స్థాయిలో మాటలు పేల్చాడు. ఆ ఎపిసోడ్ లో క్రికెటర్ గెటప్ లో వచ్చిన ఆది.. "ఈరోజు జానీ అని నాకంటే పెద్ద బ్యాట్స్-మ్యాన్ వచ్చాడంట కదా. జానీ లోపల ఆల్రెడీ ధోని ఉన్నాడు. ఆయన ఆట ఆగదు." అంటూ జానీ మాస్టర్ ఒక పెద్ద ప్లే బాయ్ అనే అర్థమొచ్చేలా కామెంట్స్ చేశాడు. అంతటితో ఆగకుండా "జానీ జానీ ఎస్ పాపా" అంటూ రైమ్ కూడా చెప్పాడు. "జానీ జానీ ఎస్ పాపా.. ఈటింగ్ మిషన్స్ ఎస్ పాపా.. టెల్లింగ్ లైస్ నో పాపా.. ఓపెన్ యువర్ వాట్సాప్.. హ హ హ" అంటూ వాట్సాప్ చాట్ గురించి పరోక్షంగా సెటైర్లు వేశాడు. "శేఖర్ మాస్టర్ అమాయకుడు ఇన్ డైరెక్ట్ గా సిగ్నల్స్ ఇస్తుంటాడు.. కానీ జానీ మాస్టర్ మాత్రం డైరెక్టే." అని ఆది మరో డైలాగ్ పేల్చాడు. అంతటితో ఆగలేదు. "గణేష్ మాస్టర్ కి, జానీ మాస్టర్ కి చిన్న తేడా ఉంది. ఆయన అప్పులు తీరుస్తుంటాడు, ఈయన ఆకలి తీరుస్తుంటాడు." అంటూ జానీపై వరుస డైలాగ్ లతో రెచ్చిపోయాడు ఆది. 

ప్రస్తుతం ఈ వీడియో క్లిప్ సోషల్ మీడియా వైరల్ అవుతోంది. "జానీ మాస్టర్ క్యారెక్టర్ గురించి అప్పట్లోనే హైపర్ ఆది ఇన్ డైరెక్ట్ గా చెప్పాడు.. కానీ మనకే అర్థంకాలేదు" అని నెటిజెన్లు కామెంట్లు పెడుతున్నారు.