నటి మమతా మోహన్ దాస్ గుర్తుందా...? ఆమె మంచి గాయని కూడా. "ఆకలేస్తే అన్నం పెడతా" అంటు ఆమె పాడిన పాట హీరోయిన్ గా కన్నా మమతా మోహన్ దాస్ కు మంచి గుర్తింపుని తెచ్చిపెట్టింది. యన్ టి ఆర్ "యమదొంగ" చిత్రంలో "అబ్బయ్యా" అంటూ రాగాలు తీస్తూ డైలాగులు చెప్పిన మమతా మోహన్ దాస్ ఆ తర్వాత వెంకటేష్ సరసన "చింతకాయల రవి" చిత్రంలో నటించినా ఆశించిన స్థాయిలో గుర్తింపు రాలేదు.

ఇప్పటికే మమతా మోహన్ దాస్ కు గాయనిగా పేరుండటం వల్ల, తనకు కూడా సంగీతం కొద్దో గొప్పో పట్టుండటం వల్లా తాను సంగీత దర్శకురాలిగా మారాలని అనుకుంటుందట. మరి మమతా మోహన్ దాస్ కోరికను ఏ నిర్మాతలు నెరవేరుస్తారో వేచి చూడాలి. అది గాక ఈ మధ్య మమతా మోహన్ దాస్ కు ఆరోగ్యం కూడా సరిగ్గా లేదని తెలిసింది. దాన్ని దృష్టిలో పేట్టుకుని కూడా మమతా మోహన్ దాస్ ఈ నిర్ణయం తిసుకుని ఉండొచ్చని సినీ జనం అంటున్నారు. ఆల్ ది బెస్ట్ మమతా మోహన్ దాస్.