మెగా అభిమానుల ఎదురుచూపులు మొత్తం ఇప్పుడు గేమ్ చేంజర్(game changer)పైనే ఉన్నాయి.చిరు విశ్వంభర(viswambhara)నెక్స్ట్ ఇయర్ జనవరి లో విడుదల కానుండగా, పవన్ మూవీ ఈ  ఇయర్ లో ఉంటుందో లేదో అనే విషయంలో క్లారిటీ అయితే లేదు. సో మెగా అభిమానుల ఎదురుచూపులన్నీ గేమ్ చేంజర్ పైనే ఉన్నాయి. క్రిస్మస్ కానుకగా డిసెంబర్ లో విడుదల అవుతుందని దిల్ రాజు ప్రకటించాడు కూడా. కానీ ఇప్పుడు  తాజాగా  సోషల్ మీడియాలో వస్తున్న ఒక న్యూస్ తో మెగా అభిమానుల్లో చిన్న పాటి ఆందోళన మొదలయ్యింది.
  
గేమ్ చేంజర్ కి భారతీయ సినిమా గర్వించదగ్గ  లెజండరీ డైరెక్టర్ శంకర్ దర్శకుడు కావడంతో మొదట నుంచి మెగా అభిమానులతో పాటు ప్రేక్షకుల్లో కూడా  భారీ అంచనాలు ఉన్నాయి. కానీ ఆ తర్వాత అనుకోని కారణాల వల్ల భారతీయుడు 2 షూటింగ్ లో శంకర్(shankar)పాల్గొనాల్సి రావడంతో షూటింగ్  లేట్ అవుతు వచ్చింది.కొన్ని రోజుల క్రితం   జరగండీ   సాంగ్ రిలీజ్ అయ్యి అభిమానుల్లో సంతోషాన్ని తెచ్చింది. కానీ అప్పట్నుంచి మళ్ళీ మూవీ గురించి ఎలాంటి అప్ డేట్ లేదు.  ఆల్రెడీ చరణ్ కి సంబంధించిన పోర్షన్ మొత్తం అయిపోయిందని శంకర్ ప్రకటించాడు. దీంతో  సినిమా ప్రమోషన్స్ స్టార్ట్ చెయ్యాలి కదా అని  ఫ్యాన్స్ అనుకుంటున్న వేళ, ఇప్పుడు గేమ్ చేంజర్ కి సంబంధించిన హార్డ్ డిస్క్ పోయిందనే న్యూస్ ఒకటి బయటకి వచ్చింది. 

ఒక మూవీకి సంబంధించి హార్డ్ డిస్క్ కి ఎంత ఇంపార్టెన్స్ ఉంటుందో తెలిసిందే. మరి ఆంత ఇంపార్టెన్స్ ఉన్న హార్డ్ డిస్క్ ఎలా పోయిందనే విషయం అర్ధం కాకుండా ఉంది . ఒక వేళ ఇది ఫేక్ న్యూస్ అయితే కనుక  మరికొన్ని రోజుల్లో పూర్తి  క్లారిటీ వచ్చే అవకాశం ఉంది.చరణ్(ram charan)తో  కియారా అద్వానీ జత కట్టగా సీతమ్మ వాకిట్లో సిరిమల్లె చెట్టు ఫేమ్ అంజలి కూడా ఒక ముఖ్య పాత్ర పోషిస్తుంది. తమన్ మ్యూజిక్ దర్శకుడు కాగా చరణ్ డ్యూయల్ రోల్ అనే టాక్ అయితే ఉంది.