ఆగస్ట్ 11 న నాగచైతన్య "దడ" రిలీజ్ కానుందని ఆ చిత్ర నిర్మాత డి.శివప్రసాదరెడ్డి మీడియాకు తెలిపారు. వివరాల్లోకి వెళితే కామాక్షీ కళా మూవీస్ పతాకంపై, యువ హీరో అక్కినేని నాగచైతన్య హీరోగా, కాజల్ అగర్వాల్ హీరోయిన్ గా, అజయ్ భూయాన్ ని దర్శకుడిగా పరిచయం చేస్తూ, డి.శివప్రాసాదరెడ్డి నిర్మిస్తున్న విభిన్న ప్రేమకథా యాంక్షన్ ఎంటర్ టైనర్ చిత్రం "దడ". ఈ నాగచైతన్య "దడ" సినిమాని ఆగస్టు 11 వ తేదీన విడుదల చేస్తామని నిర్మాత మీడియాకు తెలిపారు. మామూలుగా కామాక్స్హీ కళా మూవీస్ లో నిర్మించిన అన్ని చిత్రాలూ ఏడు నెలల్లోనే పూర్తి చేశామనీ, కానీ ఈ చిత్రానికి దాదాపు సంవత్సరం సమయం దాటిందనీ, తాము నిర్మించిన అన్ని చిత్రాల్లోకీ ఈ నాగచైతన్య "దడ" సినిమాకి అత్యధిక బడ్జెట్ ఖర్చయ్యిందనీ,ఈ సినిమాకి 145 రోజులపాటు పనిచేశామనీ అన్నారు.

ఆయన ఇంకా మాట్లాడుతూ ఈ సినిమాలో 6 పాటలూ, 7 యాక్షన్ సన్నివేశాలూ ఉన్నాయనీ, నాగచైతన్య "దడ" చిత్రానికి దేవీశ్రీ ప్రసాద్ అద్భుతమైన సంగీతాన్ని అందించారనీ అన్నారు. జూలై 22 ప్రాంతాల్లో నాగచైతన్య "దడ" సినిమా ఆడియోని విడుదల చేస్తామనీ, ఆర్ ఆర్ మూవీ డిస్ట్రిబ్యూటర్స్ ద్వారా నాగచైతన్య "దడ" చిత్రాన్ని తామే స్వయంగా విడుదల చేస్తున్నామనీ కూడా ఆయన తెలియజేశారు. ఈ విలేఖరుల సమావేశంలో ఆర్ ఆర్ మూవీ డిస్ట్రిబ్యూటర్స్ ప్రతినిధి భాస్కర్ కూడా పాల్గొన్నారు.