టాలీవుడ్‌తో పాటు ఇతర ఇండస్ట్రీలు కూడా ఇప్పుడు ‘దేవర(Devara)’పైనే దృష్టి పెట్టాయి. ఈ సినిమాపై భారీగా పెరుగుతున్న అంచనాలే దానికి కారణం. ఇప్పటికే సినిమా రిలీజ్‌ ఆలస్యం కావడంతో అందరూ ఎంతో ఈగర్‌గా ‘దేవర’ కోసం ఎదురుచూస్తున్నారు. ఎన్టీఆర్‌(ntr), కొరటాల శివ కాంబినేషన్‌లో వస్తున్న రెండో మూవీ కావడంతో ఆ ఎక్స్‌పెక్టేషన్స్‌ మరింత పెరిగాయి. రెండు భాగాలుగా రూపొందుతున్న ఈ పాన్‌ ఇండియా మూవీ మొదటి భాగం సెప్టెంబర్‌ 27న రిలీజ్‌ కాబోతోంది.

 

సినిమా రిలీజ్‌కి ముందే ‘దేవర’ రికార్డులు కొల్లగొడుతోంది. ఇప్పటికే ట్రైలర్‌ 55 మిలియన్లకుపైగా వ్యూస్‌ సాధించింది. ఇప్పుడు అడ్వాన్స్‌ బుకింగ్స్‌లో కూడా తన సత్తా చాటుతోంది. అది కూడా ఓవర్సీస్‌లో రికార్డు స్థాయిలో ‘దేవర’ టికెట్స్‌ సేల్‌ అయ్యాయి. ఇప్పటికే 45,000కి పైగా టికెట్లు సేల్‌ అవడం ఒక రికార్డుగా చెప్పొచ్చు. ఎందుకంటే సినిమా రిలీజ్‌కి ఇంకా 10 రోజులు ఉంది. అయినా ఆ స్థాయిలో టికెట్లు సేల్‌ అయ్యాయంటే.. సినిమాపై ఆడియన్స్‌ అంచనాలేమిటో అర్థం చేసుకోవచ్చు. ముఖ్యంగా నార్త్‌ అమెరికాలో దేవర ప్రీ సేల్స్‌లో సరికొత్త రికార్డులు సృష్టిస్తోంది. ఈ జోరు చూస్తుంటే.. ‘ఆర్‌ఆర్‌ఆర్‌’, ‘కల్కి’ చిత్రాల రికార్డులను ‘దేవర’ సమం చేసేలా కనిపిస్తోంది.