మాస్ కా దాస్ విశ్వక్ సేన్ హీరోగా నటించిన రీసెంట్ మూవీ 'దాస్ కా ధమ్కీ'. వన్మయే క్రియేషన్స్, విశ్వక్సేన్ సినిమాస్ బ్యానర్స్‌పై కరాటే రాజు నిర్మించిన ఈ చిత్రానికి విశ్వక్ సేన్ దర్శకత్వం వహించడం విశేషం. 'ఫలక్‌నుమా దాస్‌' తర్వాత విశ్వక్ సేన్ దర్శకత్వంలో వచ్చిన సినిమా ఇది. ఉగాది కానుకగా మార్చి 22న థియేటర్స్ లో విడుదలైన ఈ చిత్రం ప్రేక్షకులకు ఆకట్టుకొని సూపర్ హిట్ గా నిలిచింది. ఇప్పుడు ఈ చిత్రం ఓటీటీలో అలరించడానికి సిద్ధమవుతోంది.

100% తెలుగు లోక‌ల్ ఓటీటీ ఫ్లాట్‌ఫామ్‌ గా పేరు తెచ్చుకున్న 'ఆహా' ఇప్ప‌టికే ఎన్నో సూప‌ర్ డూపర్ హిట్ చిత్రాల‌ను, ఒరిజిన‌ల్స్‌ను, టాక్ షోస్‌, వెబ్ సిరీస్‌ల‌ను తెలుగు ప్రేక్ష‌కుల‌కు అందుబాటులోకి తీసుకొచ్చింది. ఇప్పుడు ఈ లిస్టులోకి మ‌రో సూప‌ర్ హిట్ మూవీ చేరనుంది. అదే 'దాస్ కా ధమ్కీ'. ఈ చిత్రం ఏప్రిల్ 14 నుంచి ఆహాలో స్ట్రీమింగ్ కానుంది.

ఈ చిత్రంలో నివేదా పేతురాజ్‌, హైప‌ర్ ఆది, రంగ‌స్థ‌లం మ‌హేష్‌, రావు ర‌మేష్‌, రోహిణి త‌దిత‌రులు కీల‌క పాత్ర‌ల్లో న‌టించారు. డ‌బ్బు కోసం ఎంత‌టి దారుణానికైనా ఒడిగ‌ట్టే వ్య‌క్తి సంజ‌య్ రుద్ర‌. పుట్టిన త‌ర్వాత అనాథ‌గా మారి చాలా క‌ష్ట‌ప‌డి పెరిగి పెద్దైన మ‌రో వ్య‌క్తి కృష్ణ‌దాస్‌..మ‌ధ్య జ‌రిగే పోరాట‌మే దాస్ కా ధమ్కీ. ఆస‌క్తిక‌ర‌మైన విష‌య‌మేమంటే ఈ ఇద్ద‌రూ ఒకేలా ఉండ‌టం. విశ్వ‌క్ సేన్‌, హైప‌ర్ ఆది, మ‌హేష్‌ల న‌ట‌న‌తో ఇంట‌ర్వెల్ వ‌ర‌కు స‌ర‌దాగా సాగిపోయే ఈ సినిమా ఇంట‌ర్వెల్ త‌ర్వాత ఎవ‌రూ ఊహించ‌ని ట‌ర్న్ తీసుకుంటుంది. అస‌లు వీరి మ‌ధ్య గొడ‌వేంటి? ధ‌న‌వంతుడు, సంఘంలో పేరున్న సంజ‌య్ రుద్ర ఉన్న‌ట్లుండి కృష్ణ‌దాస్‌ను ట్రాప్ చేయాల‌న‌కున్న విష‌యాలు, క‌థ‌లో ఉండే ట్విస్టులు, ట‌ర్నులు ప్రేక్ష‌కుల‌ను సీట్ ఎడ్జ్‌లో కూర్చోబెడుతాయి. అలాంటి మూమెంట్స్‌తో ఆడియెన్స్‌కి అలరించడానికి సిద్ధ‌మైంది ఆహా.

లియోన్ జేమ్స్‌, రామ్ మిర్యాల అందించిన సంగీతం, బ్యాగ్రౌండ్ స్కోర్.. దినేష్ కె.బాబు, జార్జ్ సి.విలియ‌మ్స్ సినిమాటోగ్ర‌ఫీ ప్రేక్ష‌కుల‌కు మంచి ఫీస్ట్‌ను అందిస్తాయ‌న‌టంలో సందేహం లేదు.