అభిమానుల వెర్రి చూస్తే జాలేస్తుంది. అభిమానానికి వెర్రికి ఈ రోజుల్లో పెద్దగా తేడా లేకుండా పోతుంది.మహేష్ బాబు, రామ్ చరణ్ అభిమానులు మళ్ళీ రికార్డుల గురించి గొడవ పడుతున్నారు. అలాగే  నందమూరి బాలకృష్ణ, కొణిదల చిరంజీవిల మధ్య రాజకీయపరమైన మాటల యుద్ధం ప్రారంభమయ్యింది. రాజకీయనాయకులన్న తర్వాత అది అత్యంత సహజం. అయితే వీళ్ళిద్దరూ తెలుగు తెర హీరోలు కావటం, అదీ రెండు బలమైన సామాజిక వర్గాలకు ప్రతినిధులు కావటంతో, వారి అభిమానులు ఈ మాటల యుద్ధాన్ని తమ మధ్య యుద్ధంగా పరిగణించటం బాధాకరం. ఈ ఇద్దరు హీరోల అభిమానులకూ ఒక విషయం ఇక్కడ గుర్తుచేయాలి.

చిరంజీవి కూతురు పెళ్ళిలో బాలకృష్న డ్యాన్స్ చేస్తే, బాలకృష్ణ కూతురి పెళ్ళిలో చిరంజీవి డ్యాన్స్ చేశారు. వాళ్ళిద్దరూ మంచి ఫ్యామిలీ ఫ్రెండ్స్ అనే విషయాన్ని వీళ్ళిద్దరి అభిమానులూ మరచిపోతున్నారు. రాజకీయపరమైన అభిప్రాయభేదాలూ, విభేదాలే తప్ప, వాళ్ళిద్దరి మధ్య వ్యక్తిగతమైన భేదాలు లేవనే సంగతి కూడా ఇక్కడ అభిమానులు గుర్తుంచుకుంటే బాగుంటుంది. అలాగే మహేష్ బాబు, రామ్ చరణ్ అభిమానులు కూడా తమ హీరోలు మంచి సినిమాల్లో నటించాలని కోరుకోవాలే కానీ, రికార్డుల కోసం గొడవపడటం సమయం వృధా చేసుకోవటమే.