"బిజినెస్ మ్యాన్ -2" కథ రెడీగా ఉందట. వివరాల్లోకి వెళితే ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, డాక్టర్ వెంకట్ నిర్మించిన చిత్రం"బిజినెస్ మ్యాన్". ఈ చిత్రం ఇటీవల విడుదలై, రికార్డ్ కలెక్షన్లతో సెన్సేషనల్ హిట్టయి, విజయవంతంగా ప్రదర్శించబడుతూంది. అయితే ఈ "బిజినెస్ మ్యాన్" చిత్రంలోని సూర్యా భాయ్ ని పట్టుకోటానికి కృష్ణ మనోహర్ ఐ.పి.యస్. రావటంతో "బిజినెస్ మ్యాన్ -2" మొదలవుతుందని సమాచారం. పరోక్షంగా దర్శకుడు పూరీ జగన్నాథ్ కూడా ఈ విషయాన్నే తెలిపారు. "బిజినెస్ మ్యాన్ -2" మహేష్ బాబు, పూరీ జగన్నాథ్ ల కాంబినేషన్ లో వచ్చే మూడవ సినిమా. కాకపోతే ఈ "బిజినెస్ మ్యాన్ -2" చిత్రం ఇప్పట్లో ప్రారంభం కాకపోవచ్చు.ప్రారంభం అయితే మాత్రం మరో సంచలనమే అని చెప్పక తప్పదు.