English | Telugu
"హీరోయిన్లను మోసం చేసే మహేష్ బాబు" -పూరీ
Updated : Dec 22, 2011
"హీరోయిన్లను మోసం చేసే మహేష్ బాబు" అని "బిజినెస్ మ్యాన్" చిత్ర దర్శకుడు పూరీ జగన్నాథ్ అన్నారు. వివరాల్లోకి వెళితే ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, మనసున్న మంచి నిర్మాత డాక్టర్ వెంకట్ నిర్మిస్తున్నన చిత్రం "బిజినెస్ మ్యాన్".
ఈ "బిజినెస్ మ్యాన్" చిత్రం ఆడియో విడుదల సందర్భంలో ఆ చిత్ర దర్శకుడు పూరీ జగన్నాథ్ ఒక తమాషా చేశారు. మహేష్ బాబుని ఇలియానా, కాజల్ అగర్వాల్, అనుష్క ఇలా ఒక్కో హీరోయిన్ గురించి అడిగి, దానికాయన చెప్పిన సమాధానాలను షూట్ చేసి, ఆ క్లిప్పుంగులను "బిజినెస్ మ్యాన్" ఆడియో రిలీజ్ ఫంక్షన్ లో వేశారు.
ఆ క్లిప్పుంగుల్లో మహేష్ బాబు ఆ హీరోయిన్లందరి గురించీ వాళ్ళు చాలా మంచి నటీమణులనీ వాళ్ళకి వృత్తి మీద అంకితభావం ఉందనీ, ఇలా గొప్పగా చెప్పారు.అవన్నీ నిజం కావనే భావనతో ఆ క్లిప్పుంగుల మీద మాట్లాడుతూ "చూశారా మీ హీరో హీరోయిన్లను ఎలా మోసం చేస్తున్నాడో" అని అన్నారు. ఈ క్లిప్పుంగులకు ఆహూతుల నుండి చక్కని స్పందన లభించింది. ఇంకా హీరో మహేష్ బాబు, ఆయన భార్య నమ్రత కూడా ఈ క్లిప్పుంగులు చూసి పగలబడి నవ్వారు.