"బిజినెస్ మ్యాన్" ఆడియోలో సందడి చేసిన పూరీ జగన్నాథ్.ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, డాక్టర్ వెంకట్ నిర్మిస్తున్న ప్రతిష్టాత్మక చిత్రం "బిజినెస్ మ్యాన్". "బిజినెస్ మ్యాన్" చిత్రం ఆడియో ఫంక్షన్ లో ఆ చిత్ర దర్శకుడు పూరీ జగన్నాథ్ చాలా సందడి చేశారు.

ఆయన ఈ సినిమాకి మాటలు తాను రాయలేదనీ, మహేష్ బాబు తనను పూని రాయించుకున్నారనీ హీరో మహేష్ బాబుతో అన్నారట. ఈ సంగతి హీరో మహేష్ బాబు స్వయంగా తెలిపారు. మహేష్ బాబుతో పనిచేయటం ఒక మత్తులాంటిదని పూరీ జగన్నాథ్ అన్నారు.

"నమ్రతతో అనుబంధం కావాలంటే నువ్వు ఏం కోరుకుంటావ్" అని కాజల్ ని పూరీ అడగ్గా "సిస్టర్" అని చెప్పింది. ఆమెనే "నీకు మహేష్ బాబు కలలోకి ఎప్పుడైనా వచ్చాడా...?" అని అడగ్గా, దానికామె "నా కల్లోకి రోజూ మీరే వస్తారు" అని సరదాగా సమాధానం చెప్పింది.

ఛార్మిని "నీకు అవకాశమొస్తే మహేష్ బాబుని పెళ్ళెక్కడ చేసుకుంటావ్...? హైదరాబాద్ లోనా లేక ముంబయ్ లోనా...?" అని పూరీ అడగ్గా, దానికి ఛార్మి "నమ్రత గారు నన్ను చంపి, నన్ను హైదరాబాద్ లో పాతిపెట్టాలా...లేక ముంబాయ్ లోనా అని ఆలోచిస్తారు" అని నవ్వుతూ సమాధానం చెప్పింది. ఈ విధంగా ఎన్నడూ లేంది దర్శకులు పూరీ జగన్నాథ్ ఈ ఆడియో ఫంక్షన్ లో చాలా సందడి చేశారు.