మహేష్ బాబు "బిజినెస్ మ్యాన్" ఆడియో రిలీజ్ అయ్యింది. వివరాల్లోకి వెళితే తెలుగు సినీ పరిశ్రమలో ఇంతవరకూ ఏ చిత్రం ఆడియో విడుదల కాని విధంగా మూడు భాషల్లో ఈ మహేష్ బాబు "బిజినెస్ మ్యాన్" ఆడియో రిలీజ్ చేయబడింది. ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, డాక్టర్ వెంకట్ నిర్మిస్తున్న ప్రతిష్టాత్మక చిత్రం "బిజినెస్ మ్యాన్".

ఈ చిత్రం ఆడియో తెలుగు, తమిళ, మళయాళ భాషల్లో ఆదిత్య మ్యూజిక్ ద్వారా విడుదల చేయబడింది. హైదరాబాద్ శిల్పారామంలోని శిల్పకళావేదికపై అశేష అభిమానుల మధ్య మహేష్ బాబు "బిజినెస్ మ్యాన్" తమిళ భాష ఆడియోని మహేష్ బాబు తండ్రి సీనియర్ హీరో సూపర్ స్టార్ కృష్ణ విడుదల చేయగా, మళయాళం అపజయమెరుగని యువ దర్శకుడు రాజమౌళి, తెలుగు ఆడియోని శ్రీను వైట్ల మార్కెట్లోకి విడుదల చేశారు. ఈ మహేష్ బాబు "బిజినెస్ మ్యాన్" ఆడియో విడుదల వేడుకకు ప్రముఖ నిర్మాత డాక్టర్ డి.రామానాయుడు, అచ్చిరెడ్డి, రమేష్ పుప్పాల, బి.వి.యస్.యన్.ప్రసాద్, దిల్ రాజు, బి.ఎ.రాజు తదితరులు హాజరయ్యారు.