బి.గోపాల్ దర్శకత్వంలో, యువరత్న నందమూరి బాలకృష్ణ హీరోగా "నందీశ్వరుడు" అనే సినిమా తీయటానికి ప్రయత్నాలు జరుగుతున్నాయని విశ్వసనీయ వర్గాల ద్వారా అందిన సమాచారం. వివరాల్లోకి వెళితే గతంలో నందమూరి బాలకృష్ణ హీరోగా, బి.గోపాల్ దర్శకత్వంలో "లారీ డ్రైవర్, రౌడీ ఇనస్పెక్టర్, సమరసింహా రెడ్డి, నరసింహ నాయుడు" వంటి అనేక బ్లాక్ బస్టర్ హిట్లు వచ్చాయి. మళ్ళీ బి.గోపాల్, నందమూరి బాలకృష్ణల కాంబినేషన్ లో సినిమా అనేటప్పటికి ఆ మూవీ మీద అంచనాలు ఆకాశమే హద్దుగా ఉంటాయి.

అందుకనే అలాంటి ఒక శక్తివంతమైన కథ కోసం బి.గోపాల్ ఎదురుచూస్తున్న సమయంలో ప్రముఖ సినీ రచయిత చిన్నికృష్ణ "నందీశ్వరుడు" అనే కథ చెప్పినట్లు, ఆ కథకు నందమూరి బాలకృష్ణ కూడా తన అంగీకారం తెలిపినట్లు తెలిసింది. ఈ "నందీశ్వరుడు" కథ పూర్తయితే మనం బి.గోపాల్ దర్శకత్వంలో, నందమూరి బాలకృష్ణ హీరోగా మరో బ్లాక్ బస్టర్ హిట్ ను చూడవచ్చు.