English | Telugu
బాలయ్య డైలాగ్ బాగాలేదా!
Updated : Jun 12, 2013
"కొందరు ఆశించడానికి పుడతారు, కొందరు శాసించడానికి పుడతారు" అంటూ తన తాజా చిత్రం కోసం నందమూరి బాలకృష్ణ ఓ డైలాగ్ చెప్పారు. అందులో అర్ధమేమైనా ఉందా?. "ఆశించడం.. శాసించడం" అనే మాటల్లోని రైమ్ బాగుందని డైరెక్టర్ బోయపాటి శ్రీను భావించి ఉంటాడు. అది బాలయ్యకు విపరీతంగా నచ్చేసి ఉంటుంది. అంతే.. ఆ డైలాగ్తో ముహూర్తపు సన్నివేశాన్ని చిత్రీకరించేసారు. బాలకృష్ణకు "సింహా" వంటి సూపర్హిట్ ఇచ్చిన బోయపాటి.. ఆ తర్వాత దర్శకుడిగా తన "దమ్ము" చూపించలేకపోయాడు. ఇప్పుడు మళ్లీ బాలకృష్ణతో మరోసారి పని చేస్తున్నాడు. "14 రీల్స్ ఎంటర్టైన్మెంట్స్_వారాహి చలన చిత్ర" అనే రెండు నిర్మాణ సంస్థలు ఈ చిత్రాన్ని సంయుక్తంగా నిర్మిస్తున్నాయి. ఇంకా పేరు ఖరారు కాని ఈ చిత్రానికి దేవిశ్రీప్రసాద్ సంగీత సారధ్యం చేస్తున్నాడు. బాలకృష్ణ చిత్రానికి దేవిశ్రీప్రసాద్ స్వరాలందుస్తుందడం ఇదే తొలిసారి. హీరోయిన్ల ఎంపిక జరుపుకొంటున్న ఈ చిత్రం బాలకృష్ణకు సినిమాపరంగానే కాకుండా రాజకీయపరంగానూ చాలా కీలకం!