జూనియర్ ఎన్టీఆర్ (Jr NTR) హీరోగా కొరటాల శివ దర్శకత్వంలో రూపొందుతోన్న 'దేవర' (Devara)పై రోజురోజుకి అంచనాలు పెరిగిపోతున్నాయి. అనిరుధ్ సంగీతం అందిస్తున్న ఈ చిత్రం నుంచి ఇప్పటికే విడుదలైన మూడు పాటలు ఆకట్టుకున్నాయి. ఇప్పుడు నాలుగో పాటకు ముహూర్తం ఖరారైంది. (Devara Songs)

'దేవర' నుంచి నెక్స్ట్ 'ఆయుధ పూజ' (Ayudha Pooja) సాంగ్  రాబోతుందని, ఇది ఓ రేంజ్ లో ఉంటుందని కొద్దిరోజులుగా వార్తలొస్తున్నాయి. తాజాగా ఈ సాంగ్ విడుదల తేదీని తాజాగా చిత్రం బృందం ప్రకటించింది. రేపు(సెప్టెంబర్ 19) ఉదయం 11:07 కి ఫోర్త్ సింగిల్ గా 'ఆయుధ సాంగ్'ని విడుదల చేయనున్నట్లు తెలుపుతూ మేకర్స్ పోస్టర్ వదిలారు. 

ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా నిర్మిస్తున్న దేవరలో జాన్వీ కపూర్ హీరోయిన్ కాగా, సైఫ్ అలీ ఖాన్ కీలక పాత్ర పోషిస్తున్నాడు. ఈ సినిమా సెప్టెంబర్ 27న థియేటర్లలో అడుగు పెట్టనుంది.