మెగాస్టార్‌ చిరంజీవి ఇటీవలే గిన్నిస్‌ బుక్‌ ఆఫ్‌ వరల్డ్‌ రికార్డ్స్‌లో స్థానం సంపాదించుకోవడం మెగా అభిమానుల్లో సంతోషాన్ని నింపింది. ఇప్పుడా సంతోషాన్ని రెట్టింపు చేస్తూ మరో పురస్కారం మెగాస్టార్‌ చెంతకు చేరింది. అబుదాబిలో జరిగిన ఇంటర్నేషనల్‌ ఇండియన్‌ ఫిల్మ్‌ అకాడమీ (ఐఫా) అవార్డ్స్‌ 2024 వేడుకల్లో ‘ఔట్‌ స్టాండిరగ్‌ అచీవ్‌మెంట్‌ ఇన్‌ ఇండియన్‌ సినిమా’ పురస్కారాన్ని మెగాస్టార్‌ చిరంజీవి అందుకున్నారు. ఈ వేడుకలో బాలకృష్ణ, వెంకటేష్‌, దగ్గుబాటి రానా, సుశాంత్‌తోపాటు టాలీవుడ్‌కి చెందిన పలువురు నటీనటులు పాల్గొన్నారు. నందమూరి బాలకృష్ణకు ‘గోల్డెన్‌ లెగసీ’ పురస్కారం లభించింది. ‘ఉమెన్‌ ఆఫ్‌ ది ఇయర్‌’ అవార్డును సమంత అందుకున్నారు. ఉత్తమ నటుడుగా నాని, ‘మిస్‌శెట్టి మిస్టర్‌ పోలిశెట్టి’ చిత్రానికి ఉత్తమ సినిమాటోగ్రఫీ పురస్కారం లభించింది.