English | Telugu
అల్లు అర్జున్, త్రివిక్రమ్ మొదలెట్టారు
Updated : Sep 22, 2014
చాలా కాలంగా అల్లు అర్జున్ – త్రివిక్రమ్ సినిమా ఎప్పుడు మొదలవుతుందా అని ఎదురు చూస్తున్న మెగా అభిమానులకు ఓ శుభవార్త. హైదరబాద్ లో ఈ సినిమా రెగ్యులర్ షూటింగ్ ప్రారంభమైంది. ఇప్పటికే ఈ సినిమా కోసం అల్లు అర్జున్ స్పెషల్ స్టంట్స్ పై ట్రైనింగ్ కూడా తీసుకున్నాడు. కన్నడ సూపర్ స్టార్ ఉపేంద్ర, సీనియర్ హీరోయిన్ స్నేహ కీలక పాత్రల్లో నటిస్తున్నారు. ఈ సినిమాలో అల్లు అర్జున్ ముగ్గురు ముద్దుగుమ్మలతో రోమాన్స్ చేయనున్నారు. ఈ ముగ్గురిలో ఇద్దరిగా సమంత, అదా శర్మలను ఫైనలైజ్ చేయగా, మరో హీరోయిన్ ఎంపిక కావల్సివుంది. జులాయి, అత్తారింటికి దారేదీ బ్లాక్ బాస్టర్ల తరువాత మాటల మాంత్రికుడు డైరెక్టర్ 'త్రివిక్రమ్', 'రేసుగుర్రం' సూపర్ హిట్ తరువాత అల్లుఅర్జున్ కలిసి చేస్తున్న సినిమా కావడంతో దీనిపై అభిమానులలో భారీ అంచనాలు వున్నాయి.