అల్లు అర్జున్ సరైనోడికి ఆడియో ఫంక్షన్ లేదు. డైరెక్ట్ గా పాటల్ని మార్కెట్ లోకి రిలీజ్ చేసేశారు. ప్రస్తుతం యూట్యూబ్ లో సరైనోడు సాంగ్స్ హల్ చల్ చేస్తున్నాయి. ఈ సాంగ్స్ తో ఆడియన్స్ లో క్రేజ్ క్రియేట్ చేసే ప్రయత్నం చేస్తున్నారు బన్నీ అండ్ కో. ఆల్రెడీ బ్లాక్ బస్టర్ బ్లాక్ బస్టరే అంటూ రిలీజ్ చేసిన ట్రైలర్ అల్లు ఫ్యాన్స్ ను బాగా ఆకట్టుకుంటోంది. అంజలి ఐటెం గర్ల్ గా ఆ సాంగ్ లో బన్నీతో చిందేసింది.

మరో పాట యు ఆర్ మై ఎమ్మెల్యే వింటే ఒక విషయం తెలుస్తుంది. అల్లు అర్జున్, క్యాథరీన్ ట్రెసా ఫోటోలు పెట్టారు కాబట్టి ఈ సాంగ్ వాళ్లిద్దరి మధ్యా అని అర్ధమవుతోంది. ఇప్పటికే సరైనోడులో క్యాథరీన్ ఎమ్మెల్యే పాత్ర చేస్తోందని, ఆమెకు బాడీగార్డ్ గా బన్నీ చేస్తున్నాడంటూ టాక్ వచ్చిన సంగతి తెలిసిందే. ఆ టాక్ కు బలం చేకూరుస్తూ ఈ సాంగ్ ఎమ్మేల్యే పై సాగడం విశేషం. ఇద్దరు హీరోయిన్లతో బన్నీ సరైనోడులో ఏ రేంజ్ లో చిందేశాడో తెలియాలంటే స్టైలిష్ స్టార్ అభిమానులు ఏప్రిల్ 22 వరకూ ఆగాల్సిందే. ఇంతకూ ఎమ్మెల్యేకు సాంగ్ లో డెఫినిషన్  ఇచ్చారో తెలుసా..? మై లవ్లీ ఏంజల్..!