‘దేవర’ జాతరకి మరో మూడు రోజులు మాత్రమే ఉంది. ఇప్పటికే అడ్వాన్స్‌ బుకింగ్స్‌తో సినిమా రిలీజ్‌కి ముందే రికార్డులు సృష్టిస్తున్న దేవర నార్త్‌లోనూ కలెక్షన్లు కొల్లగొట్టేందుకు సిద్ధమవుతోంది. పాన్‌ ఇండియా మూవీగా ఐదు భాషల్లో రిలీజ్‌ అవుతున్న ఈ సినిమాకి సంబంధించి హిందీ వెర్షన్‌ కోసం ఎన్టీఆర్‌ ప్రమోషన్స్‌లో పాల్గొన్నారు. ఇందులో భాగంగా బాలీవుడ్‌ దర్శకనిర్మాత కరణ్‌ జోహర్‌ సమక్షంలో జరిగిన ఎన్టీఆర్‌ ఇంటర్వ్యూలో అలియా భట్‌ కూడా పాల్గొంది. ఆర్‌ఆర్‌ఆర్‌ చిత్రంలో ఎన్టీఆర్‌కి జోడీగా నటించి మంచి మార్కులు కొట్టేసిన అలియా దేవరపై తనకు కూడా భారీ ఎక్స్‌పెక్టేషన్స్‌ ఉన్నాయని చెప్పింది. 

అంతేకాదు, ఈ సినిమా కోసం తాను ఎంతగా ఎదురుచూస్తున్నానో చెబుతూ సినిమాలోని ఒక పాటను పాడి అందర్నీ ఆశ్చర్యపరచింది. ‘చుట్టమల్లే చుట్టేస్తాందే.. తుంటరి చూపు..’ పాటను శ్రుతి బద్ధంగా పాడడంతో ఎన్టీఆర్‌ ఆమెను అప్రిషయేట్‌ చేస్తూ క్లాప్స్‌ కొట్టారు. కరణ్‌ జోహర్‌ సైతం అలియా పాటకు ఫిదా అయిపోయారు. ఇప్పుడీ వీడియో ఇప్పుడు సోషల్‌ మీడియాలో వైరల్‌గా మారింది. బాలీవుడ్‌లో ఈ సినిమాపై ఉన్న ఎక్స్‌పెక్టేషన్స్‌ చూస్తుంటే దేవర హిందీలోనూ కలెక్షన్ల పరంగా రికార్డులు సృష్టించేలా ఉంది.