English | Telugu
ప్రభాస్ 'పెళ్లి కూతురు' ఎవరో తెలిసిపోయిందోచ్!
Updated : Jul 31, 2015
టాలీవుడ్ లో మోస్ట్ వాంటెడ్ బ్యాచిలర్ ప్రభాస్! రెండేళ్ల నుంచీ ప్రభాస్ పెళ్లి ప్రయత్నాలు జరుగుతున్నాయి. అయితే... బాహుబలి కోసం తన పెళ్లిని పోస్ట్ పోన్ చేసుకొన్నాడు. బాహుబలి పార్ట్ 1 ముగిసిన వెంటనే ప్రభాస్కి పెళ్లి చేయాలని ఇంట్లోవాళ్లు ఫిక్సయ్యారు కూడా. ఇటీవలే భీమవరంలో ప్రభాస్కి ఓ సంబంధం చూశారన్న వార్త ఫిల్మ్నగర్లో చక్కర్లుకొట్టింది.
ఇదే విషయాన్ని ప్రభాస్ని అడిగితే.. `అదేం లేదు. నాకేం సంబంధాలు చూడలేదు` అని ప్రభాస్ క్లారిటీ ఇచ్చాడు. కానీ.... భీమవరంలో ప్రభాస్కి సంబంధం ఫిక్సయ్యిందన మాట వాస్తవమే అని విశ్వసనీయ వర్గాల సమాచారం. పెళ్లి కూతురు.. భీమవరంలోని ఓ ప్రైవేటు కాలేజీలో ఇంజనీరింగ్ చదువుతోందట. 2016లో ప్రభాస్ పెళ్లి చేయాలని ఇంట్లోవాళ్లు నిర్ణయం తీసుకొన్నారట.
అయితే బాహుబలి 2 పూర్తయ్యే వరకూ ఈ విషయం బయటకు చెప్పడం ఇష్టంలేని ప్రభాస్.. ఆ రహస్యాన్ని తనలోనే దాచుకొన్నాడని చెప్తున్నారు. రాజమౌళి కూడా `బాహుబలి 2` విషయంలో ప్రభాస్ని తొందర చేస్తున్న నేపథ్యంలో వీలైనంత త్వరగా బాహుబలిని పూర్తి చేసి, పెళ్లికిరెడీ అవ్వాలని ప్రభాస్ భావిస్తున్నాడట.