మెగా ప్రిన్స్ వరుణ్ తేజ్ ఆగస్టు 25న 'గాండీవధారి అర్జున' సినిమాతో ప్రేక్షకులను పలకరించనున్నారు. ఆ సినిమా విడుదలైన మూడు నెలలకే ఆయన మరో సినిమాతో అలరించనున్నారు. వరుణ్ తేజ్ కెరీర్ లో 13వ సినిమాగా రూపొందుతోన్న ఈ చిత్రానికి శక్తి ప్రతాప్ సింగ్ దర్శకత్వం వహిస్తున్నారు. సోనీ పిక్చర్స్, రినైసెన్స్ పిక్చర్స్ సంయుక్తంగా నిర్మిస్తున్నాయి. తెలుగు-హిందీ భాషల్లో యాక్షన్ డ్రామాగా తెరకెక్కుతోన్న ఈ మూవీ తాజాగా ఓ యాక్షన్ షెడ్యూల్ పూర్తి చేసుకుందని, డిసెంబర్‌లో సినిమాని విడుదల చేయడానికి సన్నాహాలు చేస్తున్నామని మేకర్స్ తెలిపారు.

#VT13 టీమ్ గత కొన్ని రోజులుగా హైదరాబాద్ లోని అన్నపూర్ణ 7 ఎకర్స్ లో ఒక ఇంటెన్స్ యాక్షన్ సన్నివేశాన్ని చిత్రీకరిస్తోంది. ప్రస్తుతం జరుగుతున్న మూడో షెడ్యూల్ షూటింగ్ పూర్తయింది. ఈ చిత్రానికి సంబంధించిన పనులు శరవేగంగా జరుగుతున్నాయి. షెడ్యూల్ పూర్తయిన విషయాన్ని తెలుపుతూ మేకర్స్ రివిల్ చేసిన పోస్టర్‌లో వరుణ్ తేజ్ యుద్ధ విమానం ముందు నిలబడి ఉన్న ఐఏఎఫ్ అధికారిగా కనిపిస్తున్నారు.

ఈ యాక్షన్ డ్రామా టైటిల్‌ను త్వరలో అనౌన్స్ చేస్తారు. మాజీ మిస్ యూనివర్స్ మానుషి చిల్లార్ ఈ చిత్రంలో రాడార్ ఆఫీసర్ పాత్రలో కనిపించనున్నారు. భారీ అంచనాలున్న ఈ చిత్రాన్ని డిసెంబర్‌లో విడుదల చేసేందుకు మేకర్స్ ప్లాన్ చేస్తున్నారు. కాగా పవర్ స్టార్ పవన్ కళ్యాణ్ నటిస్తున్న యాక్షన్ డ్రామా 'ఓజీ'ని కూడా డిసెంబర్ లోనే విడుదల చేయడానికి సన్నాహాలు చేస్తున్నారు. మరి డిసెంబర్ లో బాబాయ్, అబ్బాయ్ ల బాక్సాఫీస్ పోరు ఉంటుందేమో చూడాలి.