English | Telugu
త్రిష పెళ్లి కబుర్లు
Updated : Jul 9, 2015
మాటలు నేర్చిన చిలకను రామా అనమంటే రానూ అందట. చెన్నై చంద్ర త్రిష పలుకులు వింటే అలాగే ఉన్నాయి మరి. మొన్న పెళ్లంది వెంటనే వదిలేసా అంది. నిన్న వేదాంతం చెప్పింది. మళ్లీ పెళ్లి కబుర్లు చెబుతోంది. వరుణ్ మణియన్ తో నిశ్చితార్థం అయిపోయింది...మూడుముళ్లు తరువాయి అనుకుంటే బ్రేకప్ అయిపోయింది. ఆ తర్వాత వరుణ్ గురించి ఎవరు ప్రస్తావించినా వేదాంతం చెప్పింది. ఆఫర్లివ్వండంటూ వెంట పడింది.
ఇంతలో ఏమైందో ఏమో....లోకంలో పెళ్లికొడుకులకే కొదువా? వరుణ్ కి బాబులాంటోడు దొరక్కపోడు...త్వరలోనే ఓ ఇంటిదాన్ని అవకపోను అని తెగ హొయలు పోతోందట. ఈ మాటలు విన్న జనాలకు చెన్నై బ్యూటికి పెళ్లి పిచ్చి పట్టిందా అని డిస్కస్ చేసుకుంటున్నారు. దీంతో త్రిష...వరుణ్ ని వద్దందా....లేదా అమ్మడిజోరు కుర్రాడు తట్టుకోలేకపోయాడా? అని అనుకుంటున్నారు. ఏదైనా కానీ చెన్నై చిలుక మళ్లీ పెళ్లి పలుకులు పలుకుతోంది. ఈసారి వరుడెవ్వరో వెయిట్ అండ్ సీ!