ప్రస్తుతం టాలీవుడ్‌లో రీ రిలీజ్‌ల ట్రెండ్ నడుస్తున్న సంగతి తెలిసిందే. ప్రతీ వారం ఏదో ఒక రీ రిలీజ్ థియేటర్లలో సందడి చేస్తూనే ఉంది. ఈ క్రమంలో పవన్ కళ్యాణ్ చిత్రాలు రీ రిలీజ్‌లో రికార్డులు క్రియేట్ చేస్తుంటాయి. ఈ మేరకు పవన్ కళ్యాణ్ కెరీర్‌లో బిగ్గెస్ట్ బ్లాక్ బస్టర్ ‘తమ్ముడు’ మూవీని రీ రిలీజ్ చేస్తున్నారు.

ఇప్పటి వరకు పవన్ కళ్యాణ్ బ్లాక్ బస్టర్ చిత్రాలెన్నో రీ రిలీజ్ అయి రికార్డులు సృష్టించాయి. ఇక ఇప్పుడు ‘తమ్ముడు’ మూవీని రేపే (ఆగస్ట్ 30) గ్రాండ్ రీ రిలీజ్ చేయబోతోన్నారు. పవన్ కళ్యాణ్ బర్త్ డే(సెప్టెంబర్ 2) సందర్భంగా ఈ మూవీని ఇలా భారీ ఎత్తున రిలీజ్ చేసేందుకు ప్లాన్ చేశారు. పవన్ కళ్యాణ్ పుట్టిన రోజు కంటే ముందే పండుగ వాతావరణాన్ని క్రియేట్ చేసేందుకు ఈ ‘తమ్ముడు’ మూవీ మళ్లీ థియేటర్లోకి రానుంది.

శ్రీ వెంకటేశ్వర ఆర్ట్స్ ఫిల్మ్స్‌పై శ్రీమతి మునీశ్వరి సమర్పించు ‘తమ్ముడు’ మూవీ రీ రిలీజ్ హక్కుల్ని ఉత్తరాంధ్రకు చెందిన వైష్ణవి శ్రీ క్రియేషన్స్ బ్యానర్ మీద విక్రమ్ బ్రదర్స్, ఆసన్ సూర్య దేవర చేజిక్కించుకుని భారీ ఎత్తున రిలీజ్ చేస్తున్నారు. ఉత్తరాంధ్రలో ‘తమ్ముడు’ మూవీ రీ రిలీజ్‌ సరికొత్త రికార్డులు క్రియేట్ చేస్తుందని అభిమానులు నమ్మకంగా ఉన్నారు.

తమ్ముడు 1999లో విడుదలై బ్లాక్ బస్టర్‌గా నిలిచింది. అరుణ్ ప్రసాద్ దర్శకత్వంలో విడుదలైన చిత్రంలో పవన్ కళ్యాణ్ సరసన ప్రీతి జింగానియా ముఖ్యపాత్రల్లో నటించారు. ఈ చిత్రాన్ని శ్రీ వేంకటేశ్వర ఆర్ట్ ఫిల్మ్స్ పతాకంపై బి. శివరామకృష్ణ నిర్మించారు. రమణ గోగుల అందించిన సంగీతం ఇప్పటికీ మార్మోగుతూనే ఉంటుందన్న సంగతి తెలిసిందే.