English | Telugu
పక్షికి సోనాక్షి గొంతు అరువు
Updated : Mar 28, 2014
గతంలో హనుమంతుడి పాత్రకు నటుడు చిరంజీవి తన గొంతును అందించిన విషయం అందరికి తెలిసిందే. అయితే తాజాగా సోనాక్షి సిన్హా కూడా ఈ జాబితాలో చేరిపోయింది. "రియో2" అనే యానిమేషన్ చిత్రాన్ని హిందీలోకి అనువదిస్తున్నారు. ఇందులో జ్యూవెల్ అనే పక్షి పాత్రకు సోనాక్షి గాత్రాన్ని అందించింది. అంతే కాకుండా ఆ పాత్రకోసం ఓ పాట కూడా పాడింది. ఈ విషయంపై సోనాక్షి స్పందిస్తూ... ముందుగా మాటలు మాత్రమే చెప్తే సరిపోతుంది అని అనుకున్నా. కానీ మా చిత్రబృందం ఓ సన్నివేశం కోసం పాట పాడమన్నారు. భయం భయంగానే పాడాను. కానీ, అది అందరికీ నచ్చేసింది. నాతో పాడించినందుకు అందరికీ ధన్యవాదాలు" అని చెప్పుకొచ్చింది. ఈ చిత్రంలోని బ్లూ అనే పాత్రకు అమీర్ ఖాన్ గాత్రాన్ని అందించారు. ఇది గతంలో వచ్చిన "రియో" చిత్రానికి సీక్వెల్. ఈ చిత్రాన్ని త్వరలోనే విడుదల చేయనున్నారు.