English | Telugu
సిద్ధార్థ రాజ్ కుమార్ ఫస్ట్ లుక్
Updated : May 16, 2011
సిద్ధార్థ రాజ్ కుమార్ ఫస్ట్ లుక్ ప్రేక్షకుల ముందుకు వచ్చింది. ఇంతకీ ఈ సిద్ధార్థ రాజ్ కుమార్ ఎవరనేగా మీ అనుమానం. సిద్ధార్థ రాజ్ కుమార్ మరో నట వారసుడని చెప్పాలి. ప్రముఖ సీనియర్ నటుడు, నిర్మాత, రాజకీయవేత్త అయిన రెబెల్ స్టార్ కృష్ణం రాజు నట వారసుడిగా, యంగ్ రెబెల్ స్టార్ గా ప్రభాస్ బాగానే రాణిస్తున్నాడు. ప్రస్తుతం ప్రభాస్ సోదరుడు (పిన్నిగారబ్బాయి) సిద్ధార్థ రాజ్ కుమార్ కూడా హీరోగా సినీ పరిశ్రమలోకి అడిగుపెట్టనున్నాడు. అయితే ప్రభాస్ లాగా డైరెక్టుగా తెలుగు సినిమాలోకి రాకుండా కన్నడ సినీ రంగం నుండి సిద్ధార్థ రాజ్ కుమార్ హీరోగా సిని పరిశ్రమలోకి రావటం విశేషం.
కన్నడంలో ప్రముఖ నిర్మాత యస్.వి.బాబు తమ యస్.వి.ప్రొడక్షన్స్ పతాకంపై, సిద్ధార్థ రాజ్ కుమార్ హీరోగా, గౌతం పట్నాయక్ దర్శకత్వంలో, తెలుగు,తమిళ, మళయాళ భాషల్లో ఒక చిత్రాన్ని నిర్మిస్తున్నారు. ఈ సినిమా ఇప్పటికే టాకీ పార్టు పూర్తి చేసుకుంది. సిద్ధార్థ రాజ్ కుమార్ ఫొటో తొలిసారి మీడియాముందుకు వచ్చింది. సిద్ధార్థ రాజ్ కుమార్ భవిష్యత్తులో మంచి హీరో అయ్యే అవకాశలున్నాయని సినీ వర్గాలు అంటున్నారు.