ఐకాన్ స్టార్ అల్లు అర్జున్ హిట్ మూవీస్ లో 2014 లో వచ్చిన రేసుగుర్రం కూడా ఒకటి.ఆ మూవీ ద్వారా తెలుగు ప్రేక్షకులకి పరిచయమైన నటుడు రవి కిషన్. మద్దాళి శివారెడ్డి అనే క్యారక్టర్ లో రవి కిషన్ ప్రదర్శించిన విలనిజం ఒక రేంజ్ లో ఉంటుంది.ఆ తర్వాత కూడా మహేష్ బాబు ఆగడు, రవితేజ కిక్ 2 , సాయి ధరమ్ తేజ్ సుప్రీమ్ వంటి పలు చిత్రాల్లో నటించి మంచిపేరు పొందాడు.

గత ప్రభుత్వ హయాంలో తిరుమల లడ్డులో స్వచ్ఛమైన  నెయ్యికి బదులుగా  జంతువుల కొవ్వు  పదార్ధాలతో తయారు చేసిన నూనె ని వాడారనే వార్తలు వస్తుండటంతో దేశ వ్యాప్తంగా ఉన్న హిందువులంతా కోపోద్రిక్తులుగా ఉన్నారు. రవికిషన్ కూడా ఈ అంశంపై చాలా కోపంగా ఉన్నాడు.తాజాగా ఆయన మాట్లాడుతు ఆనాడు టిటిడి ఆలయాన్ని నడిపిన వాళ్ళు హిందువులు కాదు.అందుకే హిందువులకి ఆవు కొవ్వుతో తయారైన లడ్డూలు ఇచ్చారు. దర్మం కోసం హిందువులంతా శాస్త్రాలతో పాటు అస్త్రాలను వెంట తీసుకెళ్లాల్సిన సమయం వచ్చిందని తెలిపాడు. ఆవేశపూరితంగా చేసిన ఆ స్పీచ్ ప్రస్తుతం లడ్డు విషయంపై  పవన్ కళ్యాణ్ చేస్తున్న స్పీచ్ ని తలపిస్తుంది.

రవి కిషన్ ప్రస్తుతం ఉత్తప్రదేశ్ లోని గోరఖ్ పూర్ పార్లమెంట్ స్థానానికి  భారతీయ జనతా పార్టీ పార్లమెంట్ మెంబర్ గా ప్రాతినిధ్యం వహిస్తున్నాడు.మొదట కాంగ్రెస్ పార్టీలో చేరి ఓటమి పాలయిన రవి కిషన్ ఆ తర్వాత బిజెపీ లో చేరి భారీ మెజారిటీ తో  గెలుపొందాడు. తెలుగు తో పాటు ఇతర భాషల్లో కూడా సినిమాలు చేసాడు.