అల్లు అర్జున్ హీరోగా సురేందర్ రెడ్డి దర్శకత్వంలో తెరకెక్కుతున్న చిత్రం "రేసుగుర్రం". లక్ష్మీనరసింహ ప్రొడక్షన్స్ బ్యానర్లో నల్లమలుపు బుజ్జి, కె.వెంకటేశ్వర రావు సంయుక్తంగా నిర్మిస్తున్నారు. తమన్ సంగీతం అందించిన పాటలు లహరి మ్యూజిక్ ద్వారా విడుదల కాబోతున్నాయి. ఈ చిత్రంలో శృతిహాసన్, సలోని కథానాయికలు. ఈ చిత్ర ఆడియో విడుదల కార్యక్రమాన్ని మార్చి 16న విడుదల చేయడానికి సన్నాహాలు చేసారు. కానీ అంతకుముందే ఈ సినిమాలోని అన్ని పాటలు ఇంటర్నెట్ లో లీక్ అయ్యాయి. తమన్ సంగీతం అందించాడు. మరి ఈ రేసు పాటలు ఎలా ఉన్నాయో చూద్దామా...!

1. బూచాడే బూచాడే

సింగర్స్: శ్రేయ ఘోషల్, రాహుల్ నంబియర్, నవీన్ మదన్. రచన: చంద్రబోస్

ఇందులో అల్లు అర్జున్ ఎలాంటి వాడో, అతను తలుచుకుంటే ఎలాంటి పనులు చేస్తాడు అనే విషయాలను ఈ పాట ద్వారా తెలిపారు.

2. స్వీటీ

సింగర్స్ : సిద్ధార్థ్ మహదేవన్, రబ్బిత్ మాక్. రచన:వరికుప్పల యాదగిరి

అమ్మాయిలోని స్టైల్ ను, పద్ధతులను మార్చడానికి హీరో పాడే పాట ఇది. జీవితంతో ఎలా పోరాడాలి అనే విషయాన్ని సింపుల్ గా, స్టైలిష్ మ్యూజిక్ తో పాట కొనసాగుతుంది.

3. సినిమా చూపిస్తా మావా

సింగర్స్ : సింహ, వరికుప్పల యాదగిరి. రచన: వరికుప్పల యాదగిరి

ఫుల్ మాస్ మసాలా పాట ఇది. పిల్లను చూడకుండా ఉండలేను అంటూ పిల్ల అందం గురించి పాడే పాట ఇది. ఎక్కువ తీన్ మార్ రేంజులో కొనసాగుతుంది. మాస్ ప్రేక్షకులకు ఈ మామ పాట బాగా నచ్చుతుంది.

4. గల గల

సింగర్స్ : దినేష్ కనగరత్నం, మేఘ. రచన:రెహమాన్

హీరోయిన్ వెనుక పడుతూ హీరో తన ప్రేమను తెలియజేసే పాట ఇది. వెస్ట్రన్ స్టైల్ లో పాటను కంపోస్ చేసాడు తమన్.

5. డౌన్ డౌన్

సింగర్స్ : తమన్, శృతిహసన్. రచన: విశ్వ

ఈ పాట మొత్తం పబ్బుల్లో ఎంజాయ్ చేసే పాట మాదిరిగా ఉంటుంది. ఎక్కువగా DJ స్టైల్లో ఉంటుంది. కాలం గురించి పట్టించుకోకుండా ఎంజాయ్ చేద్దాం అనే విధంగా ఈ పాట కొనసాగుతుంది.

6. రేసు గుర్రం

సింగర్స్ : ఉషా ఊతుప్, ఎంఎం.మానసి, ఎంఎం.మనీషా. రచన : వరికుప్పల యాదగిరి

ఇది టైటిల్ సాంగ్ అని చెప్పుకోవచ్చు. అసలు ఈ సినిమా ఎలా ఉండబోతుంది, ఇందులో హీరో పాత్ర ఎలా ఉండబోతుందో ఒక స్టైలిష్ మాస్ స్టైల్లో తమన్ కంపోస్ చేసాడు. ఉషా ఊతుప్ అదిరిపోయే రేంజులో పాడి అదరగొట్టింది.

చివరగా: తమన్ ఈసారి ఒక్క రెండు పాటల్లో మాత్రమే తన డప్పులను వాడినట్లుగా అనిపిస్తుంది. అయితే ఈ పాటలన్ని ఎక్కువగా స్టైలిష్ గా ఉన్నాయి. ఎదో వెస్ట్రన్ కల్చర్ అలవాటు అయిన వారికీ ఈ పాటలు వెంటనే నచ్చుతాయి. కానీ తెలుగు జనాలకు అంతగా త్వరగా నచ్చేలా కనపడట్లేదు.