సినిమా పరిశ్రమలో అందితే జుట్టు అందకపోతే కాళ్లు అన్నట్టుగా పరిస్థితి ఉంటుంది. ఎవరి పరిస్థితి ఏ సమయంలో ఎలా ఉంటుందో తెలియదు. అలాంటి సమయంలో వారు వరుస విజయాలలో ఉంటే అహంకారం చూపిస్తారు. వ‌రుస ప‌రాజయాలు ఎదురైతే కాళ్లు పట్టుకుంటారు. ఈ కోవలోకి చాలామంది వస్తారు. వారిలో కోన వెంకట్ కూడా ఒకరు. ఈయ‌న‌ది చాలా పెద్ద ఫ్యామిలీ. కోన ప్రభాకరరావు ఒకప్పుడు పెద్ద పొలిటీషియన్. ఎమ్మెల్యేగా, మంత్రిగా పలు రాష్ట్రాలకు గవర్నర్‌గా కూడా పనిచేశారు.

ఇక కోనా వెంకట్ విషయానికి వస్తే ఈయన శ్రీను వైట్లతో కలిసి పలు సూపర్ హిట్ సినిమాలు కు కలిసి పనిచేశారు. నాడు కోన వెంక‌ట్ కు జోడీగా గోపి మోహన్ ఉండేవారు. ఆ తరువాత వీరు శ్రీనువైట్ల నుంచి దూరంగా జరిగారు. ఇటీవల మంచు విష్ణు జిన్నాతో కోన వెంకట్ పై తీవ్ర విమర్శలు వచ్చాయి. కానీ ఆయన తాజాగా మెగాస్టార్ చిరంజీవి నటించిన వాల్తేరు వీరయ్యతో మళ్ళీ లైన్ లోకి వచ్చేసారు. బాబి డైరెక్ట్ చేసిన ఈ సినిమాకు కోన వెంకట్ తో పాటు చక్రవర్తి రెడ్డి కూడా పనిచేశారు. అంటే గోపి మోహన్ స్థానంలో చక్రవర్తి రెడ్డి వచ్చి చేరారు. ఈ సినిమా సంక్రాంతి బరిలో బ్లాక్ బస్టర్ గా నిలిచింది. 200 కోట్లను వసూలు చేసింది. ఆ క్రేజ్ తో ఉన్న కోన వెంకట్ ఇదే జోష్ లో మరిన్ని సినిమాలకు పని చేయబోతున్నారు.

పవన్ నటిస్తున్నOG చిత్రం ఓపెనింగ్ లో కోన సందడి చేశారు. ఒరిజినల్ గ్యాంగ్ స్టార్ అనే క్యాప్ష‌న్ తో రూపొందుతున్న ఈ మూవీని డివివి దానయ్య పాన్ ఇండియా మూవీగా నిర్మించబోతున్నారు. ఇందులో పవన్ కళ్యాణ్ పవర్ఫుల్ గ్యాంగ్ స్టార్ పాత్రలో నటిస్తున్నారు. పంజా చిత్రం తరహాలో ఈ చిత్రం ఉంటుందని తెలుస్తోంది. ఈ పూజా కార్యక్రమాల్లో పాల్గొన్న కోన వెంకట్ పవన్ కళ్యాణ్ తో సందడి చేయడం ఆసక్తికరంగా మారింది. గతంలో పవన్ నా సోల్మెట్ అని స్టేట్మెంట్ ఇచ్చిన వెంకట్ ఆ తర్వాత వైసీపీకి చెందిన మీడియాలో పలు ఇంటర్వ్యూలు ఇస్తూ పవన్ కళ్యాణ్ పై అనేక సంచలన వ్యాఖ్యలు చేశారు. అలాంటి కోనా ఇప్పుడు మరలా పవన్ పక్కన చేరడంతో అభిమానులు ఫైర్ అవుతున్నారు.

కోన మొదటి నుంచి వైసీపీ వీరాభిమాని. ఆయన తండ్రి తాతయ్యలు కాంగ్రెస్ వాదులు. కోన వెంక‌ట్ వైసీపీ సానుభూతిపరుడు. ఈయ‌న గతంలో ప‌వ‌న్ పై విమ‌ర్శ‌లు గుప్పించి ఇప్పుడు పవన్ పంచన ఎలా చేరుతాడని సోషల్ మీడియాలో వేదికగా కోనపై పవన్ అభిమానులు మండిపడుతున్నారు. సోషల్ మీడియాలో ఆయన పోస్ట్ చేసిన ఫోటోలకు ఘాటుగా కామెంట్ చేస్తున్నారు. తమ కామెంట్లతో వరుసగా అభిమానులు ఆయనపై విరుచుకుపడుతున్నారు.