అభిమానులందరూ ముద్దుగా పిలుచుకునే మెగా ప్రిన్స్ వరుణ్ తేజ్ కి కొత్తగా ప్రయోగాల హీరో అనే బిరుదు కూడా వచ్చేసింది. గత రెండు చిత్రాలు గని, గాండీవధారిఅర్జున లు ప్లాప్ అవ్వడంతో ఇప్పుడు వరుణ్ ఆశలన్నీ మరో ప్రయోగాత్మక మూవీ  ఆపరేషన్ వాలెంటైన్ మీదే ఉన్నాయి. పైగా ఇప్పుడున్న పోటీ వాతావరణంలో నిలబడాలంటే వరుణ్ కి హిట్ చాలా అవసరం. తెలుగుతో పాటు బాలీవుడ్ లో కూడా రిలీజ్ అవుతున్న ఈ మూవీకి  ఇప్పుడు ఒక అడ్డంకి వచ్చి పడింది.

 ఆపరేషన్ వాలెంటైన్  మార్చి 1 న తెలుగుతో పాటు హిందీలో కూడా రిలీజ్ అవుతుంది. వరుణ్ కెరీర్ లోనే మొట్ట   మొదటి సారి హిందీ భాషలో డైరెక్ట్ గా  రిలీజ్ కాబోతుంది. రిలీజ్ అయితే మంచిదే కదా అని అనుకుంటున్నారా! ఇక్కడే అసలు మ్యాటర్ ఉంది. మొన్న జనవరి 25 న వచ్చిన ఫైటర్ మూవీ కూడా సేమ్ ఆపరేషన్ వాలంటైన్ లా ఇండియన్ ఎయిర్ ఫోర్స్ నేపధ్యంతోనే తెరకెక్కింది. దీంతో ఇప్పుడు అదే నేపథ్యంతో వస్తున్న ఆపరేషన్ వాలంటైన్ ని  బాలీవుడ్ ప్రేక్షకులు ఎంతవరకు ఆదరిస్తారనే ఆసక్తి అందరిలోను ఏర్పడింది. 

 నిజ జీవితంలో జరిగిన సంఘటనల ఆధారంగా ఆపరేషన్ వాలెంటైన్ తెరకెక్కింది. ఇటీవలే వచ్చిన ట్రైలర్ అయితే సూపర్ గా ఉంది సినిమా మీద అందరిలోను పాజిటివ్ వైబ్రేషన్ ని కలిగించింది. తెలుగుతో పాటు నార్త్ లో కూడా ప్రమోషన్స్ ఒక రేంజ్ లో జరుగుతున్నాయి. వరుణ్ తో మాజీ మిస్ వరల్డ్ మానుషీ చిల్లర్ జతకడుతుండగా నవదీప్ ఒక కీలక పాత్రలో నటిస్తున్నాడు. బాలీవుడ్ డైరెక్టర్  శక్తీ ప్రతాప్ సింగ్ దర్శకత్వాన్ని వహిస్తుండగా సోనీ పిక్చర్స్ అండ్ గాడ్ బ్లేస్ ఎంటర్ టైన్మెంట్ లు నిర్మిస్తున్నాయి.