English | Telugu
హీరోయిన్ గా కాదు.. ఓన్లీ యాంకరింగ్
Updated : Mar 19, 2014
ప్రముఖ నటుడు, మెగా బ్రదర్ నాగబాబు తనయుడు హీరోగా ఇటీవలే ఓ చిత్రం ప్రారంభమయిన విషయం అందరికి తెలిసిందే. మార్చి 24నుంచి రెగ్యులర్ షూటింగ్ జరుపుకోబోతుంది. అలాగే నాగబాబు కూతురు నిహారిక కూడా హీరోయిన్ గా త్వరలోనే ఓ సినిమాతో అరంగేట్రం చేయబోతుందని గతంలో చాలా వార్తలు వచ్చాయి. కానీ ఇప్పటికీ ఎలాంటి సినిమాల్లో కూడా నటించలేదు. అయితే సినిమాల్లోకి రాకపోయిన కూడా ఈ అమ్మడికి సోషల్ నెట్ వర్కింగ్ సైట్స్ వల్ల చాలా మంది అభిమానులు, ఫాలోవర్స్ ఉన్నారు. హీరోయిన్ గా వెండితెర మీద కనిపిస్తుందనుకున్న ఈ అమ్మడు బుల్లితెర ద్వారా తెలుగు ప్రేక్షకుల ముందుకు వస్తుంది.
తెలుగులోని ఓ ప్రముఖ ఛానల్ లో బాగా పాపులర్ అయిన ఢీ కార్యక్రమం ఆరు సిరీస్ లను విజయవంతంగా పూర్తిచేసుకుంది. ప్రస్తుతం "ఢీ" ఏడవ సిరీస్ ను ప్రారంభించారు. నిహారిక ఈ కార్యక్రమానికి వ్యాఖ్యాతగా వ్యవహరిస్తుంది. మరి నిహారికను తెలుగువారు ఎలా అభిమానిస్తారో చూడాలి.