ముఖ్యమంత్రికి శుభలేఖ ఇచ్చిన యన్ టి ఆర్ అని ఫిలిం నగర్ లో చెప్పుకుంటున్నారు. యంగ్ టైగర్ యన్ టి ఆర్‍ వివాహం ప్రముఖ పారిశ్రామికవేత్త, రియల్ ఎస్టేట్ వ్యాపారి అయిన నార్నే శ్రీనివాసరావు కుమార్తెతో "మే" 5 వ తేదీన, హైదరాబాద్ హైటెక్స్ లో అత్యంత వైభవంగా జరుగనుంది. తన వివాహానికి రమ్మని పెద్దవారికందరికీ అంటే సినీ రాజకీయ ప్రముఖులందరికీ పెళ్ళి కొడుకు యంగ్ టైగర్ యన్ టి ఆర్ స్వయంగా పెళ్ళి శుభలేఖని అందిస్తున్నారని విశ్వసనీయ వర్గాల ద్వారా అందిన సమాచారం.

 

అలా నిన్న అంటే ఏప్రెల్ 21 వ తేదీన, హైదరాబాద్ శ్రీనగర్‍ కాలనీలో ఉన్న సిరివెన్నెల సీతారామశాస్త్రి గారికీ, దిల్ రాజుకీ, అలాగే మన రాష్ట్ర ముఖ్యమంత్రి కిరణ్ కుమార్ రెడ్డికీ తన పెళ్ళి శుభలేఖని స్వయంగా అందించి, వినయంగా ఆహ్వానించినట్లు తెలిసింది. యన్ టి ఆర్ పెళ్ళి శుభలేఖని చూసిన అల్లు అరవింద్ గారి కుటుంబం యన్ టి ఆర్ ని అభినందినట్లు సమాచారం. శుభలేఖలో తన పూర్వీకుల ఫొటోలను పెట్టి, పెళ్ళి కొడుకైన తన ఫొటో పెట్టకపోవటంతో తనవంశం పూర్వీకులు, పెద్దలంటే యన్ టి ఆర్ కి ఎంత గౌరవం ఉందో అర్థమవుతుందని వారభిప్రాయపడ్డారట.