English | Telugu
వెయ్యి మందితో క్లైమాక్స్.. నందమూరి హీరో సంచలనం!
Updated : Jul 30, 2024
జయాపజయాలతో సంబంధం లేకుండా సినిమాల ఎంపికలో వైవిధ్యం చూపిస్తూ ప్రేక్షకులను అలరిస్తుంటారు నందమూరి కళ్యాణ్ రామ్ (Nandamuri Kalyan Ram). గతేడాది 'డెవిల్' అనే పీరియాడిక్ ఫిల్మ్ తో పలకరించిన ఆయన.. ప్రస్తుతం ఒక భారీ యాక్షన్ ఫిల్మ్ లో నటిస్తున్నారు. కళ్యాణ్ రామ్ 21వ సినిమాగా.. అశోక క్రియేషన్స్, ఎన్టీఆర్ ఆర్ట్స్ బ్యానర్స్ లో రూపొందుతోన్న ఈ చిత్రానికి ప్రదీప్ చిలుకూరి దర్శకుడు. ఇప్పడూ ఈ సినిమాకి సంబంధించిన ఓ న్యూస్ హాట్ టాపిక్ గా మారింది.
'NKR 21' క్లైమాక్స్ కోసం ఏకంగా రూ.8 కోట్లు ఖర్చు చేశారట. హైదరాబాద్ సమీపంలో ఆర్ట్ డైరెక్టర్ బ్రహ్మకడలి నేతృత్వంలో వేసిన భారీ సెట్ లో ఏకంగా 30 రోజుల పాటు క్లైమాక్స్ ఎపిసోడ్ ని చిత్రీకరించినట్లు తెలుస్తోంది. రామకృష్ణ అదిరిపోయే యాక్షన్ కొరియోగ్రఫీ అందించిన ఈ ఎపిసోడ్ లో జూనియర్ ఆర్టిస్ట్ లతో కలిపి దాదాపు 1000 మంది పాల్గొన్నారట. కళ్యాణ్ రామ్ కెరీర్ లో అత్యధిక బడ్జెట్ తో అత్యంత భారీగా రూపొందించిన క్లైమాక్స్ ఇదే.