-సెకండ్ సాంగ్ రిలీజ్ డేట్ ఇదే
-ఆ సాంగ్ కి పోటీ తప్పదా
-అభిమానులు వెయిటింగ్
-చిరంజీవి, వెంకటేష్ ఎలా కనిపించనున్నారు

మెగాస్టార్ 'చిరంజీవి'(Chiranjeevi)అప్ కమింగ్ మూవీ 'మన శంకర వరప్రసాద్ గారు'(Mana Shankara Varaprasad Garu)రాక కోసం అభిమానులతో పాటు ప్రేక్షకులు ఎంతో ఆసక్తితో ఎదురుచూస్తున్నారు. సుదీర్ఘ కాలం తర్వాత చిరంజీవి చేస్తున్న ఫ్యామిలీ ఎంటర్ టైనర్ కావడం, సదరు జోనర్ కి బ్రాండ్ అంబాసిడర్ గా మారిన అనిల్ రావిపూడి(Anil ravipudi) దర్శకుడు కావడంతో 'మన శంకర వరప్రసాద్ గారు' పై భారీ అంచనాలు ఏర్పడ్డాయి. పైగా విక్టరీ వెంకటేష్(venkatesh)కూడా స్క్రీన్ షేర్ చేసుకోవడంతో వెంకటేష్ అభిమానులు కూడా మూవీ కోసం ఎంతగానో ఎదురుచూస్తున్నారు.

చిరంజీవి సినిమాల్లో సాంగ్స్ అంటే ఎంతగా మెప్పిస్తాయో తెలిసిందే. అందుకు తగ్గట్టే 'మన శంకర వరప్రసాద్ గారు' నుంచి వచ్చిన మొదటి సాంగ్ 'మీసాల పిల్ల' ట్యూన్ పరంగా గాని లిరిక్స్ పరంగా ఎంతో క్యాచీగా ఉండటంతో అందరకి ఎంతో బాగా నచ్చింది. దీంతో మిగతా సాంగ్స్ కోసం అందరు వెయిట్ చేస్తున్నారు. రీసెంట్ గా ఫిలిం సర్కిల్స్ లో వినిపిస్తున్న కథనాల ప్రకారం నవంబర్ చివరి వారంలో సెకండ్ సాంగ్ ని రిలీజ్ చేయాలనే ప్లాన్ లో మేకర్స్ ఉన్నట్టుగా వార్తలు వస్తున్నాయి. సదరు సాంగ్ డ్యూయట్ సాంగ్ అని మీసాల పిల్ల కి గట్టి పోటీ ఇస్తుందనే టాక్ కూడా వినపడుతుంది. మరి ఈ వార్తే కనుక నిజమైతే మెగా ఫ్యాన్స్ కి ఈ నెల చివర్లో పండగ వాతావరణం వచ్చినట్లే. ఇక సెకండ్ సాంగ్ న్యూస్ సోషల్ మీడియాలో కూడా వస్తుండటంతో మీసాల పిల్ల సాంగ్ ప్రమోషన్ ని ఆ సాంగ్ పాడిన ఉదిత్ నారాయణతో వినూత్నంగా నిర్వహించారు.

also read: గ్లోబ్ ట్రోటర్, వారణాశి, రాముడు.. వారణాసి కథ ఇదేనా!

మరి సెకండ్ సాంగ్ ఎవరు పాడారు. ఈ సారి ప్రమోషన్ ఎలా ఉండబోతుందో అని సోషల్ మీడియా వేదికగా అభిమానులు,పాటల ప్రేమికులు చెప్పుకుంటున్నారు. భీమ్స్(Bheems)సంగీత సారధ్యంలో మన శంకర్ వర ప్రసాద్ గారు తెరకెక్కుతున్న విషయం తెలిసిందే. వచ్చే ఏడాది సంక్రాంతి కానుకగా ప్రేక్షకుల ముందుకు వస్తున్న మన శంకర వరప్రసాద్ గారు ని సుస్మిత కొణిదెల, సాహు గారపాటి సంయుక్తంగా నిర్మిస్తున్నారు. నయనతార(Nayanthara)హీరోయిన్ కాగా చిత్ర పరిశమ్రకి సంబంధించిన అతిరథ మహారధులు మన శంకర వర ప్రసాద్ గారు లో కనువిందు చేయనున్నారు.