మోడలింగ్ నుంచి బిగ్ బాస్ హౌస్‌లోకి ఎంట్రీ ఇచ్చిన బ్యూటీ దివి. మహర్షి మూవీలో  కాసేపు మెరిసింది. హీరోయిన్ మెటీరియల్ ఐనా కూడా ఈమెకు అవకాశాలు పెద్దగా రాలేదు. ఐతే  బిగ్ బాస్ లో ఉన్నప్పుడు  దివి పేరు మారుమోగిపోయింది. ఐతే ఆమె హౌస్ నుంచి వచ్చాక  సోషల్ మీడియాలో ఫ్యాన్ ఫాలోయింగ్ ని పెంచుకుంటూ రీల్స్ చేస్తూ కనిపిస్తోంది. అలా మూవీస్ లో అవకాశాల కోసం ట్రై చేస్తున్న టైంలో ఆమెకు "లంబసింగి" మూవీ ఆఫర్ వచ్చింది.

కళ్యాణ్ కృష్ణ కురసాల సక్సెస్ ఫుల్ డైరెక్టర్ గా టాలీవుడ్ లో దూసుకుపోతున్నాడు. ప్రస్తుతం ఈయన తీస్తున్న మూవీ "లంబసింగి" ఓ యూత్ ఫుల్ ఎంటర్ టైనర్ ని నిర్మిస్తున్నారు. నవీన్ గాంధీ డైరెక్షన్ చేస్తున్న ఈ మూవీలో బిగ్ బాస్ ఫేమ్ దివి హీరోయిన్ గా కనిపిస్తోంది. ఇక ఈ మూవీలో  భరత్ రాజ్ కథానాయకుడిగా పరిచయం అవుతున్నారు. ఈ చిత్రానికి లంబసింగి.. ‘ఎ ప్యూర్ లవ్ స్టోరీ’ అనేది సబ్ టైటిల్ గా పెట్టారు. ఇక  ఈ మూవీలోని "నచ్చేసిందే" అనే సాంగ్ షూటింగ్ ని దివి తన ఇన్స్టాగ్రామ్ పేజీలో పోస్ట్ చేస్తూ అక్కినేని నాగార్జున తనకు విషెస్ చెప్పిన మెసేజ్ స్క్రీన్ షాట్ ని కూడా పోస్ట్ చేసింది. "నా డైరెక్టర్ ఐన కళ్యాణ్ కృష్ణ కొత్త టాలెంట్ ని ఎంకరేజ్ చేస్తూ ఉంటాడు. ఆ కొత్త టాలెంట్ లో దివి కూడా భాగమైనందుకు సంతోషంగా ఉంది" అంటూ నాగ్ మెసేజ్ చేశారు. "థ్యాంక్యూ నాగార్జున గారు మీ సపోర్ట్ కి ఎంకరేజ్మెంట్ కి" అని చెప్పింది దివి .. "నచ్చేసిందే" అనే ఈ రొమాంటిక్ మెలోడీని  సిద్ శ్రీరామ్ అద్భుతంగా ఆలపించారు. అలాగే "అమ్మడి కన్నులు" సాంగ్ ని కూడా తన పేజీలో పోస్ట్ చేసుకుంది. మెయిన్ లీడ్ లో చేస్తున్న తన  మూవీ త్వరలో థియేటర్స్ లోకి వస్తోంది అని పోస్ట్ చేసుకుంది. ఇక నెటిజన్స్ అంతా మూవీ కోసం వెయిటింగ్, ఆల్ ది బెస్ట్ అంటూ విషెస్ చెప్తున్నారు.