యంగ్ టైగర్ యన్ టి ఆర్ హీరోగా నటించగా, హంన్సిక మోత్వానీ హీరోయిన్ గా, మెహెర్ రమేష్ దర్శకత్వంలో వైజయంతీ మూవీస్ పతాకంపై,అశ్వనీదత్ నిర్మించిన చిత్రం "కంత్రీ". ఈ "కంత్రీ" చిత్రం తెలుగులో ఆశించిన స్థాయిలో విజయం సాధించలేదు. కానీ ఈ "కంత్రీ" చిత్రాన్ని తమిళంలో "పోకిరి పయ్య" పేరుతో అనువదిస్తున్నారు...అదేనండీ డబ్బింగ్ చేస్తున్నారు. శ్రీ వెంకటేశ్వర టెలీ ఫిలింస్ పతాకంపై పి.శారదా రెడ్డి "కంత్రీ" చిత్రాన్ని "పోకిరి పయ్య" పేరుతో తమిళంలోకి డబ్ చేస్తుండగా, ఇండియన్ ఇమేజెస్ సంస్థ అక్కడ ఈ చిత్రాన్ని విడుదల చేయనుందట.

 

యన్ టి ఆర్ హీరోగా, ఇలియానా హీరోయిన్ గా, మెహెర్ రమేష్ దర్శకత్వంలో, అశ్వనీదత్ నిర్మించగా ఇటీవల విడుదల్యాన "శక్తి" చిత్రాన్ని కూడా తమిళంలోకి "ఓం శక్తి" పేరుతో అనువదించారు. తెలుగులోనే కాకుండా తమిళంలో కూడా యన్ టి ఆర్ కి మార్కెట్ ఉందనీ, సేలబులిటీ ఉండబట్టే అతని సినిమాలను తమిళంలోకి డబ్ చేస్తున్నారని ఫిలిం నగర్ వర్గాలంటున్నాయి.