ఎలాంటి అంచ‌నాలు లేకుండా మినిమం బ‌డ్జెట్‌తో రూపొంది ఏకంగా రూ. 450 కోట్ల వ‌సూళ్ల‌ను సాధించి అంద‌రినీ ఆక‌ర్షించిన సినిమా ‘కాంతార’. రిష‌బ్ శెట్టి హీరోగా న‌టిస్తూ ద‌ర్శ‌క‌త్వం వ‌హించిన ఈ మూవీ ఇప్పుడు ప్రీక్వెల్‌తో ప్రేక్ష‌కుల‌ను మెప్పించ‌టానికి సిద్ధ‌మ‌వుతోంది. ‘కాంతార 2’ పేరుతో ఈ ప్రీక్వెల్‌ను రూపొందించ‌టానికి కావాల్సిన స‌న్నాహాల‌న్నీ జ‌రుగుతున్నాయి. రిష‌బ్ శెట్టి చాలా రోజుల నుంచి ఈ స్క్రిప్ట్‌పై వ‌ర్క్ చేస్తోన్న సంగ‌తి తెలిసిందే. దీంతో పాటు ప్రీ ప్రొడ‌క్ష‌న్ ప‌నుల‌న్నీ కూడా శ‌ర‌వేగంగా జ‌రుగుతున్నాయి. హోంబ‌లే ఫిలింస్ ఈ సినిమాను ఏకంగా రూ.150 కోట్ల బ‌డ్జెట్‌తో తెర‌కెక్కించ‌నుంది.

‘కాంతార 2’పై ఎలాంటి ఎక్స్‌పెక్టెష‌న్స్ ఉంటాయ‌నే విష‌యం రిష‌బ్ శెట్టికి బాగా తెలుసు. అందుక‌నే ప్ర‌తీ విష‌యంలోనూ ఎన్నో జాగ్ర‌త్త‌లు తీసుకుంటున్నారు. తాజాగా ఈ ప్రీక్వెల్‌కు సంబంధించి మ‌రికొన్ని ఆస‌క్తిక‌ర‌మైన విష‌యాలు వైర‌ల్ అవుతున్నాయి. అవేంటంటే ప్రీక్వెల్ బ్యాక్ డ్రాప్ అంతా 4వ శ‌తాబ్దంలో జ‌రుగుతుంది. దీని కోసం రిష‌బ్ త‌న లుక్‌ను పూర్తిగా మార్చుకున్నారు. ఏకంగా 11 కిలోల బ‌రువు త‌గ్గార‌ని సినీ సర్కిల్స్‌లో వార్త‌లు వినిపిస్తున్నాయి. నాలుగో శ‌తాబ్దంలో న‌డిచే ఈ క‌థ‌ను తెర‌కెక్కించ‌టానికి ప్ర‌త్యేక‌మైన సెట్స్ వేసి సినిమాను నిర్మించాల‌ని హోంబ‌లే ఫిలింస్ రెడీ అయ్యింది.

‘కాంతార 2’ సినిమా షూటింగ్‌ను ఈ ఏడాది చివ‌ర‌లో ప్రారంభిస్తారు. వ‌చ్చే ఏడాదిలో సినిమాను విడుద‌ల చేసేలా ప్లాన్ చేస్తున్నారు ద‌ర్శ‌క నిర్మాత‌లు. భారీ అంచ‌నాల‌తో రూపొంద‌బోయే ‘కాంతార 2’ బాక్సాఫీస్ ద‌గ్గ‌ర ఎలాంటి సెన్సేష‌న్ క్రియేట్ చేస్తుందో తెలియాలంటే కొన్నాళ్లు ఆగాల్సిందే మ‌రి.