జూన్ 30 న రామ్ "కందిరీగ" ఆడియో రిలీజ్ కానుందని విశ్వసనీయవర్గాల ద్వారా అందిన సమాచారం. వివరాల్లోకి వెళితే శ్రీ సాయి గణేష్ ప్రొడక్షన్స్ పతాకంపై, చురుకైన యువ హీరో రామ్ హీరోగా, హన్సిక మోత్వాని హీరోయిన్ గా, సంతోష్ శ్రీనివాస్ అనే నూతన యువకుణ్ణి దర్శకుడిగా పరిచయం చేస్తూ, ప్రముఖ నిర్మాత బెల్లంకొండ సురేష్ నిర్మిస్తున్న సినిమా "కందిరీగ". ఈ సినిమా యూనిట్ ఇటివల స్విట్జర్ల్యాండ్ వెళ్ళి ఒక పాటను చిత్రీకరించింది. అక్కణ్ణించి ఈ చిత్రం యూనిట్ ఫ్రాన్స్ కి కూడా వెళ్ళి ఇటీవల ఇండియాకి తిరిగివచ్చింది.

ఈ "కందిరీగ" సినిమాలో కలర్స్ స్వాతి, "యువత" ఫేం అక్ష కూడా ముఖ్య పాత్రల్లో నటిస్తూండగా, శ్రియ శరణ్ ఒక ఐటమ్ సాంగ్ లో నటిస్తుంది. రామ్ కు వ్యతిరేకంగా సోనూ సూద్ విలన్ గా నటిస్తున్న ఈ సినిమాకి యస్ థమన్ సంగీతాన్ని అందిస్తున్నారు. గతంలో రామ్, హన్సిక మోత్వానీ కలసి బి.గోపాల్ దర్శకత్వంలో వచ్చిన "మస్కా" సినిమాలో జంటగా నటించారు. కానీ ఆ చిత్రం ఆశించిన స్థాయిలో విజయం సాధించలేదు. ఈ రామ్ "కందిరీగ" సినిమా జూలై 22 వ తేదీన ప్రేక్షకుల ముందుకు రానుంది. రామ్ "కందిరీగ" సినిమా ఆడియో రిలీజ్ మాత్రం జున్ 30 వ తేదీన జరుగనుందని తెలిసింది.