ప్రముఖ కొరియోగ్రాఫర్ జానీ మాస్టర్(jani master)పలుమార్లు లైంగిక దాడికి పాల్పడ్డాడని,జానీ మాస్టర్ దగ్గర పని చేసే లేడీ కొరియోగ్రాఫర్ హైదరాబాద్ పోలీసులకి కంప్లైంట్ చేసిన విషయం తెలిసిందే. దీంతో జానీ మాస్టర్ పై ఎఫ్ఐఆర్ నమోదు అవ్వడంతో పాటుగా పలు సెక్షన్ల కింద కేసులు కూడా నమోదు అయ్యాయి. 

 ఇక జానీ మాస్టర్ ప్రస్తుతం హైదరాబాద్ లో లేడని తెలుస్తుంది. కేసు నమోదు అవ్వగానే నెల్లూరు కి పరారు అయినట్టుగా   పోలీసులు గుర్తించారు. దీంతో హైదరాబాద్ పోలీసులు, నెల్లూరు పోలీసులకి ఇన్ఫార్మ్ చేసారు.సెక్షన్ 41 - a ప్రకారం నోటీసులు ఇచ్చి తొలుత విచారణ చేసే అవకాశం ఉందని, వారం రోజుల్లో  స్పందించకపోతే అరెస్ట్ కూడా చేస్తారనే ప్రచారం  జరుగుతుంది.
ఇక జానీ మాస్టర్ నెల్లూరు లో ఉన్నాడన్న విషయం  సోషల్ మీడియాలో వస్తుండటంతో నెల్లూరు లో ఎవరి ఇంట్లో తల దాచుకున్నాడనే ప్రచారం జోరుగా జరుగుతుంది. 

పైగా నెల్లూరు జానీ మాస్టర్ స్వస్థలం కావడంతో బంధువుల ఇళ్లల్లో ఉండచ్చనే అనుమానం కూడా పోలీసుల్లో వ్యక్తం అవుతుంది.కొన్ని రోజుల క్రితమే ఉత్తమ కొరియోగ్రాఫర్ గా తిరు అనే తమిళ చిత్రానికి  జాతీయ అవార్డు ని అందుకున్న జానీ మాస్టర్  2009 లో ఎంట్రీ ఇచ్చి  తెలుగు, తమిళ, కన్నడ, హిందీ భాషల్లో ఎన్నో హిట్ సాంగ్స్ కి  కొరియోగ్రఫీ ని అందించాడు.