మహేష్ బాబు "దూకుడు" ఆడియో ఆగస్ట్ 9 న విడుదల కానుందని తెలిసింది. వివరాల్లోకి వెళితే 14 రీల్స్ ఎంటర్ టైన్ మెంట్ పతాకంపై, ప్రిన్స్ మహేష్ బాబు హీరోగా, సమంత హీరోయిన్ గా, శ్రీనువైట్ల దర్శకత్వంలో, రామ్ ఆచంట, గోపీచంద్ ఆచంట, అనీల్ సుంకర సయుక్తంగా నిర్మిస్తున్న చిత్రం "దూకుడు". ఈ మహేష్ బాబు "దూకుడు" సినిమా షూటింగ్ ముమదుగా టర్కీలో జరిగింది. ఆ తర్వాత రామోజీ ఫిలిం సిటీలో, చార్మినార్ ప్రాంతంలో జరిపి, శేరి లింగంపల్లి సమీపంలోని అల్యూమినియం ఫ్యాక్టరీలో యాక్షన్ సీన్లను చిత్రీకరించారు.

ప్రస్తుతం మహేష్ బాబు "దూకుడు" సినిమా షూటింగ్ చిరాన్ ఫోర్ట్ లో జరుగుతూంది. ఈ మహేష్ బాబు "దూకుడు" సినిమా అనుకున్న షెడ్యూల్ ప్రకారం ఆగస్టులో విడుదల కావలసింది. కాని ఫెడరేషన్ సమ్మె మూలంగా అనుకోకుండా ఆలస్యమైంది. మహేష్ బాబు "దూకుడు" సినిమా ఆడియోని ఆగస్టు నెలలో తొమ్మిదవ తేదీన విడుదల చేయటానికి సన్నాహాలు చేస్తున్నారు. ఆ రోజు ప్రిన్స్ మహేష్ బాబు జన్మదినం కూడా కావటం విశేషం.