చిరు మెగా యూత్ కి ఒమెన్ సుల్తాన్ సన్మానం చేయనున్నారు. వివరాల్లోకి వెళితే "రక్తదానం చెయ్యండి-మరొకరికి ప్రాణదానం చెయ్యండి" అంటూ మెగాస్టార్, పద్మభూషణ్, డాక్టర్ చిరంజీవి ఇచ్చిన స్లోగన్ చాలా మందికి స్ఫూర్తిదాయకంగా నిలిచి, కొన్ని కోట్లమంది ప్రాణాలను కాపాడింది...కాపాడుతూంది. ఒమెన్ లో ఉన్న ఆయన అభిమానులు నిరంతరంగా నిర్వహిస్తున్న రక్తదాన కార్యక్రమం గమనించిన సుల్తాన్ ఆఫ్ ఒమెన్ వారికి అంటే సి.యమ్.వై.యఫ్. (చిరు మెగా యూత్ ఫ్యాన్స్)కి గౌరవపురస్కారాన్ని అందజేస్తున్నారు.

ఈ గౌరవం సి.యమ్.వై.యఫ్. (చిరు మెగా యూత్ ఫ్యాన్స్)కి దక్కటం ఇది అయిదవ సారి. జూన్ 14 వ తేదీన, మస్కట్ ఇంటర్నేషనల్ హోటల్లోని, జెబ్రీన్ బాల్ రూమ్ హాల్లో జరిగే ఒక కార్యక్రమంలో వారికి ఈ గౌరవ పురస్కారాన్ని అందజేస్తారు. మెగా ఫ్యాన్స్ మన రాష్ట్రంలోనే కాకుండా విదేశాల్లో కూడా తమ సేవా స్ఫూర్తిని చాటుకోవటం మెగా ఫ్యాన్స్ కి, మెగాస్టార్ కి కూడా గర్వకారణం.